گوگل نیوز پر ہمیں فالو کریںآسٹریلیا نے غیر ملکی شہریوں کی ریکارڈ آمد کی وجہ سے اسٹوڈنٹ ویزا کے قوانین کو سخت کرنے کا فیصلہ کرلیا ہے۔
میڈیا رپورٹس کے مطابق آسٹریلیا اس ہفتے غیر ملکی طلباء کے لیے ویزا کے سخت قوانین کو نافذ کرنا شروع کر دے گا کیونکہ سرکاری اعداد و شمار سے پتہ چلتا ہے کہ نقل مکانی کرنے والوں کی تعداد ریکارڈ سطح پر پہنچ گئی ہے جس کی وجہ سے رہائشی کرائے کی مارکیٹ میں مزید اضافہ ہونے کا امکان ہے۔
اسٹوڈنٹ ویزا پر آنے والوں کیلئے طلباء اور گریجویٹ ویزوں کے لیے انگریزی زبان کی ضروریات میں اضافہ ہو جائے گا، جب کہ حکومت کو یہ اختیار حاصل ہو جائے گا کہ تعلیم فراہم کرنے والے بین الاقوامی طلباء کو بھرتی کرنے سے روک دے۔
وزیر داخلہ کلیئر اونیل نے ایک بیان میں کہاہے کہ “اس ہفتے کے آخر میں کیے جانے والے اقدامات ہجرت کی سطح کو نیچے لانے کے لیے جاری رکھیں گے جب کہ ہجرت کی حکمت عملی میں اپنے وعدوں کو پورا کرنے کی کوشش کرینگے۔
انہوں نے کہا کہ ویزا کیلئے ایک نیا “حقیقی ٹیسٹ” متعارف کرایا جائے گا تاکہ ان بین الاقوامی طلباء پر مزید کریک ڈاؤن کیا جا سکے جو بنیادی طور پر کام کرنے کے لیے آسٹریلیا آتے ہیں جبکہ وزیٹر ویزوں پر “مزید قیام نہیں” کی شرائط کا استعمال کیا جائے گا۔
یہ فیصلہ سابقہ حکومت کی جانب سے کورونا کے دوران متعارف کرائے گئے دور کی مراعات کو بند کرنے کے لیے اٹھایا گیا ہے ۔
یاد رہے کہ آسٹریلیا میں 2022 کے بعد پناہ گزینوں کی تعداد میں اضافہ ریکارڈ کیا گیا ہے اور غیر ملکی شہریوں اور طلباء کی آمد نے پہلے سے ہی بلند کرائے کی مارکیٹ پر دباؤ بڑھا دیا ہے۔
