گوگل نیوز پر ہمیں فالو کریںعید الاضحیٰ کے موقع پر گوشت کھانے کا ذائقہ تو خوب ہوتا ہے لیکن کچھ لوگوں کے لیے یہ زیادہ گوشت صحت کے لیے نقصان دہ ثابت ہو سکتا ہے، خاص طور پر ان لوگوں کے لیے موٹاپے، ذیابیطس، بلند فشار خون یا دیگر دائمی بیماریوں میں مبتلا ہوں۔ اس حوالے سے غذائی ماہرین نے اہم نصیحتیں کی ہیں تاکہ ایسے افراد عید کی خوشیوں کے ساتھ اپنی صحت کا بھی خیال رکھ سکیں۔
ماہرین کے مطابق، ایسے مریضوں کو چاہیے کہ عید کے دنوں میں گوشت کی مقدار محدود رکھیں اور دن میں صرف ایک بار گوشت کھائیں، وہ بھی اُبال کر بنایا ہوا تاکہ چکنائی کم سے کم ہو۔ زیادہ چکنائی والے کھانے سے پرہیز کرنا ضروری ہے کیونکہ خاص طور پر دنبے کے گوشت میں چھپی ہوئی چکنائی صحت کے لیے نقصان دہ ہو سکتی ہے۔
انہوں نے مزید کہا کہ کھانے کے ساتھ تازہ سبز سلاد ضرور شامل کریں، خاص طور پر اجوائن اور دھنیا جیسے مصالحے شامل کریں جو چکنائی جذب کرنے میں مدد دیتے ہیں اور ہاضمہ بہتر بناتے ہیں۔ اگر مرغن کھانے کھائے جائیں تو ان کے ساتھ دہی کا استعمال بھی فائدہ مند ہے کیونکہ دہی ہاضمے کو تیز اور آسان بناتا ہے۔
ان ہدایات پر عمل کرنے سے مریض عید کی خوشیوں کا لطف اٹھاتے ہوئے اپنی صحت کو خطرے سے بچا سکتے ہیں اور بیماریوں کی پیچیدگیوں سے بچاؤ کر سکتے ہیں۔
