عائزہ خان نے ریما کو حلیمہ سلطان سے ملادیا، مداح برس پڑے

کراچی: ترک ڈرامہ سیریز ارطغرل غازی کی کامیابی کے بعد ڈرامہ میں حلیمہ سلطان کا کردار ادا کرنیوالی اداکارہ ایسرا بلجیک پاکستان میں بے پناہ مقبولیت حاصل کرچکی ہیں اور مداح ان کے حوالے سے کوئی بھی بات سننے کرنے تیار نہیں، حال ہی میں اداکارہ عائزہ خان نے ایسرا بلجیک کو اداکارہ ریما خان سے مشابہہ قرار دیا جس پر مداحوں نے شدید ردعمل کا اظہار کیا ہے۔

اداکارہ عائزہ خان نے سوشل میڈیا پر ریما خان اور ایسرا بلجیک کی ایک تصویر شیئر کی جس پر انہوں نے لکھا کہ ایسرا بلجیک ریما خان جیسی لگتی ہیں۔

اس پوسٹ سوشل میڈیا صارفین نے شدید ردعمل کااظہار کرتے ہوئے عائزہ خان کے اس موازنے کو بھونڈا قرار دیا، کچھ صارفین کا کہنا تھا کہ عائزہ خان شائد نابینا ہیں اور کچھ لوگوں نے دونوں اداکاؤں کو بے مثال قرار دیتے ہوئے عائزہ خان کے تبصرے کو فضول قرار دیا۔

واضح رہے کہ ایسرا بلجیک کی پاکستان میں مقبولیت کو دیکھتے ہوئے مختلف کمپنیوں نے انہیں اپنی اشتہاری مہمات میں شامل کیا ہے اور کچھ برانڈز نے انہیں اپنا سفیر بھی مقرر کیا ہے۔

مزید پڑھیں: ارطغرل غازی کے بعد ریمو میں ایسرا بلجیک کی دلکش اداؤں نے شائقین کو دیوانہ بنادیا

اسلامی تاریخ پر مبنی ڈرامہ سیریز ارطغرل غازی ان دنوں پاکستان ٹیلی ویژن پر نشر کیا جارہا ہے اور اردو زبان میں ڈبنگ کے باعث اس ڈرامہ کو بیحد سراہا جارہا ہے۔