بنگلا دیش: حسینہ واجد کیخلاف عوام سڑکوں پر نکل آئے، استعفے کا مطالبہ

لیکن اسی دوران مہنگائی میں بھی اضافہ دیکھنے میں آیا اور ان کی حکومت پر بدعنوانی اور انسانی حقوق کی خلاف ورزیوں کے الزامات بھی عائد کیے گئے۔

اسرائیل پاگل پن کو روکے، طیب اردوان

 اپوزیشن جماعتیں اپنے مطالبات منوانے کے لیے کئی ماہ سے سراپا احتجاج ہیں جبکہ بنگلا دیش نیشل پارٹی کی قائد اور دو مرتبہ وزیراعظم رہنے والی خالدہ ضیاء بدعنوانی کے الزامات پر گھر میں نظربند ہیں۔

دیگر شہروں سے آئے ہوئے خالدہ ضیاء کے حامی پولیس رکاوٹوں کے باوجود بڑی تعداد میں ریلی میں شریک ہوئے اور ’ووٹ چور، ووٹ چور، شیخ حسینہ ووٹ چور‘ کے نعرے لگائے۔

ریلی میں شریک چٹاگانگ سے آنے والے طالب علم سکندر بادشاہ نے کہا کہ ہم حسینہ حکومت کے فوری مستعفی ہونے، ہماری لیڈر خالدہ ضیاء کی رہائی اور عوام کے ووٹ دینے کے حق کی بحالی کا مطالبہ کرتے ہیں۔

پولیس حکام کے مطابق پرتشدد واقعات کو روکنے کے لیے دس ہزار اہلکار تعینات کیے گئے ہیں تاہم ڈھاکا کے علاقے ککریل میں مظاہرین اور پولیس کے درمیان جھڑپ ہوئی اور آنسو گیس کے علاوہ ربڑ کی گولیاں بھی استعمال کی گئیں۔