گوگل نیوز پر ہمیں فالو کریںنیو یارک: وزیر اعظم کے معاونِ خصوصی برائے سمندر پار پاکستانی زلفی بخاری نے کہا ہے کہ انسانیت پر یقین رکھنے والوں کو مودی کے خلاف اٹھنے والی ہر آواز کا ساتھ دینا چاہئے۔ہم امریکا سمیت عالمی برادری کے سامنے بھارتی وزیر اعظم کا اصل چہرہ بے نقاب کریں گے۔
معاونِ خصوصی زلفی بخاری نے امریکی شہر نیو یارک میں سمندر پار پاکستانیوں کی گلوبل فاؤنڈیشن کی جانب سے دئیے گئے استقبالیے میں شرکت کے دوران کہا کہ کشمیر پر بھارت کے مظالم اب اقوام عالم کے علم میں ہیں۔ نریندر مودی حکومت کے یکطرفہ غیر آئینی اقدامات کسی سے ڈھکے چھپے نہیں۔
یہ بھی پڑھیں: پنجاب کے 2000 بڑے اسکول این جی اوز کے حوالے کیے جائیں۔صوبائی حکومت کا فیصلہ
Loving the passion in response and the junoon & resolve for the #Kashmir cause in Tristates area. This is nothing short of what the entire nation feels back at home.. it’s going to be big in NY on 27th InshaAllah!#HumanityFirst #KashmirFirst pic.twitter.com/u78XtXyWu1
— Sayed Z Bukhari (@sayedzbukhari) September 15, 2019
زلفی بخاری نے نیویارک میں پاکستانی اور سکھ برادری سے بھی ماقات کی اور کہا کہ کشمیر ایک انسانی المیہ ہے جس پر ساری دُنیا کے انسانوں کو متحد ہونا چاہئے۔ ہم کرتارپور راہداری کے بعد بدھ مت کے مقدس مقامات کو بھی کھولنا چاہتے ہیں۔
انہوں نے کہا کہ ہم سمندر پار پاکستانیوں کے مسائل کے حل کے لیے اپنا ہر ممکن کردار ادا کریں گے۔ اسلام آباد میں تیز رفتار فاسٹ ٹریک کورٹ ایک کیس کو 2 ماہ کے اندر اندر نمٹا دے گی۔ اس کے ساتھ ساتھ اوور سیز پاکستانیوں کے الیکشن کے حق کے لیے بھی سمری بھجوا چکے ہیں۔
یاد رہے کہ اس سے قبل وفاقی وزیر دفاع پرویز خٹک کہہ چکے ہیں کہ وزیر اعظم پاکستان عمران خان اقوامِ متحدہ کی جنرل اسمبلی میں بھارت کی برصغیر پر جنگ مسلط کرنے کی خواہش کو بے نقاب کریں گے اور بھارت کا مکروہ دُنیا کے سامنے لائیں گے۔
نوشہرہ میں میڈیا نمائندگان سے گفتگو کرتے ہوئے وزیر دفاع پرویز خٹک نے کہا کہ ستر سال میں یہ پہلی بار ہوا ہے کہ ملکی حکومت نے مقبوضہ جموں و کشمیر میں ہونے والے ظلم و ستم کو بین الاقوامی فورم میں بے نقاب کیا ہے۔
مزید پڑھیں: وزیر اعظم اقوام متحدہ میں بھارت کی برصغیر پر جنگ مسلط کرنے کی خواہش کو بے نقاب کریں گے۔ وزیر دفاع
