گوگل نیوز پر ہمیں فالو کریںلاہور: پاک آسٹریلیا ون ڈے اور ٹی 20 کرکٹ سیریزسے قبل آسٹریلیا کی ٹیم کو بڑا دھچکا لگ گیا، ٹیم کے اہم کھلاڑی ایونٹ سے باہر ہوگئے۔
آسٹریلوی آل راؤنڈر مچل مارش انجری کا شکار ہوگئے ہیں جس کی وجہ سے اُن کی سیریز میں شرکت غیر یقینی نظر آرہی ہے۔
اس حوالے سے آسٹریلین کرکٹ ٹیم کے کپتان کا کہنا ہے کہ مچل مارش فٹنس مسائل سے دو چار ہیں، آج صبح ان کا اسکین کرایا گیا ہے، اسکین کے بعد دیکھیں گے کہ وہ سیریز کے لیے دستیاب ہیں یا نہیں۔
آسٹریلوی آل راؤنڈر میچل مارش کو فیلڈنگ ڈرلز کے دوران انجری کا سامنا کرنا پڑا ہے۔
یاد رہے کہ اس سے قبل آسٹریلوی کھلاڑی اسٹیو امتھ بھی انجری کا شکار ہوگئے ہیں جس کی وجہ سے وہ وائٹ بال سیریز سے باہر ہوگئے ہیں۔
مزید برآں ترجمان کرکٹ آسٹریلیا کے مطابق تیسرے ٹیسٹ میچ میں اسمتھ کو کہنی میں درد محسوس ہوا تھا جبکہ اسٹیو اسمتھ کی جگہ لیگ اسپنر مچل سوئپسن کو ٹیم میں شامل کرلیا گیا ہے۔
یہ بھی پڑھیں:ویمنز ورلڈکپ، انگلینڈ نے سیمی فائنل کیلئے کوالیفائی کرلیا
