گوگل نیوز پر ہمیں فالو کریںچین کے شمالی علاقے میں واقع ایک کوئلے کی کان میں ہونے والے دھماکے میں کم از کم 90 افراد کی ہلاکت کی تصدیق کی گئی ہے جیسا کہ چینی سرکاری میڈیا نے رپورٹ کیا ہے۔یہ افسوسناک حادثہ شدید گیس دھماکے کے باعث پیش آیا جس نے پورے علاقے کو ہلا کر رکھ دیا۔
دھماکہ شانشی صوبے میں واقع لیوشینو کوئلہ کان میں ہوا جسے ٹونگژو گروپ چلا رہا ہے۔ حادثے کے فوراً بعد ریسکیو آپریشن شروع کر دیا گیا اور سینکڑوں امدادی اہلکار موقع پر پہنچا دیے گئے۔
#UPDATE The death toll from a fatal coal mine gas explosion in North China’s Shanxi province has risen to 82, with another nine people missing, local authorities said on Saturday. (Video: Xinhua) https://t.co/EDNoiqW3Ys https://t.co/DRyAyQbJXB pic.twitter.com/yD2Di30RV9
— China Daily (@ChinaDaily) May 23, 2026
سرکاری میڈیا کی فوٹیج میں ایمبولینسوں اور طبی عملے کو زخمیوں کو اسٹریچرز پر منتقل کرتے ہوئے دیکھا جا سکتا ہے جبکہ 100سے زائد افراد کو اسپتال منتقل کیاگیا ہے۔ ریسکیو کارروائیاں اب بھی جاری ہیں۔
حادثہ جمعہ کے روز مقامی وقت کے مطابق شام 7 بج کر 29 منٹ پر پیش آیا جب کان میں تقریباً 247 مزدور اپنی ڈیوٹی پر موجود تھے۔ دھماکے کے بعد بڑی تعداد میں لوگ کان کے اندر پھنس گئے، جس کے باعث ریسکیو آپریشن مزید پیچیدہ ہو گیا۔
حادثے کے بعد چین کے صدر شی جن پنگ نے ہدایت جاری کی کہ زخمیوں کے علاج اور لاپتہ افراد کی تلاش میں کوئی کسر نہ چھوڑی جائے۔ انہوں نے یہ بھی کہا کہ واقعے کی مکمل تحقیقات کی جائیں اور ذمہ دار افراد کو قانون کے مطابق جواب دہ ٹھہرایا جائے۔
Death toll from the gas explosion at a coal mine in Shanxi Province, China, has risen to 82. Rescue operations remain underway following the incident on Friday evening. #China #CoalMine pic.twitter.com/YcUUpFIGQL
— IranPress (@IranPress_eng) May 23, 2026
سرکاری ذرائع کے مطابق کان کے منتظمین کو حراست میں لے لیا گیا ہے۔ ابتدائی معلومات کے مطابق حادثے کی وجہ کاربن مونو آکسائیڈ گیس کی خطرناک سطح بتائی جا رہی ہے جو کہ ایک زہریلی اور بے بو گیس ہے اور کان کے اندر اس کی مقدار حد سے زیادہ پائی گئی۔
چین کی وزارت برائے ہنگامی انتظامات نے ریسکیو کارروائی کیلئے 6 مختلف ٹیموں کے 345 اہلکار بھیج دیے ہیں تاکہ امدادی کاموں کو مزید موثر بنایا جا سکے۔
شانشی صوبہ جو چین کے نسبتاً کم ترقی یافتہ علاقوں میں شمار ہوتا ہے کوئلے کی کان کنی کے حوالے سے ملک کا اہم مرکز سمجھا جاتا ہے۔
دو ہزار کی دہائی کے آغاز میں چین کی کان کنی کی صنعت میں مہلک حادثات عام تھے تاہم بعد کے برسوں میں حفاظتی اقدامات سخت کیے گئے۔ اس کے باوجود وقتاً فوقتاً ایسے حادثات پیش آتے رہتے ہیں۔
2023 میں اندرونی منگولیا کے ایک اوپن پٹ کوئلہ کان میں ہونے والے حادثے میں 53 افراد جان کی بازی ہار گئے تھے جبکہ 2009 میں شمال مشرقی صوبے ہیلونگ جیانگ میں ایک کان دھماکے میں 100 سے زائد افراد ہلاک ہوئے تھے۔
چین دنیا میں کوئلے کا سب سے بڑا استعمال کنندہ اور گرین ہاؤس گیسوں کا سب سے بڑا اخراج کرنے والا ملک ہے اگرچہ وہ تیزی سے قابلِ تجدید توانائی کے منصوبوں کو بھی فروغ دے رہا ہے۔
