گوگل نیوز پر ہمیں فالو کریںدنیا کی دوسری بلند ترین چوٹی کے ٹو پر ایک دلخراش حادثے نے کوہ پیمائی کی دنیا کو سوگوار کر دیا۔ چینی کوہ پیما گوان جنگ، جنہوں نے عظیم ہمت اور جذبے کے ساتھ پیر کے روز کے ٹو کی چوٹی سر کی، واپسی کے سفر میں ایک خوفناک حادثے کا شکار ہو گئیں۔
الپائن کلب کے مطابق،گوان جنگ منگل کی رات کیمپ ون سے ایڈوانس بیس کیمپ کی طرف لوٹتے ہوئے پتھروں کی چٹان گرنے (راک فال) کی زد میں آئیں جس کے نتیجے میں وہ جان کی بازی ہار گئیں۔ اس حادثے میں ان کے ساتھ موجود دیگر کوہ پیما خوش قسمتی سے محفوظ رہے۔
View this post on Instagram
واضح رہے کہ پیر کے روز مجموعی طور پر 30 کوہ پیماؤں نے کے ٹو کی چوٹی سر کرنے کا کارنامہ انجام دیا تھا، لیکن گوان جنگ کا یہ سفر ایک المناک انجام سے دوچار ہوا۔ کوہ پیمائی کی برادری اس سانحے پر گہرے صدمے اور غم میں ہے جبکہ گوان جنگ کی بہادری اور جذبے کو خراج تحسین پیش کیا جا رہا ہے۔
