ڈیفنس میں بینک سے رقم نکلوا کر گھر آنیوالا شہری لٹ گیا، ڈاکو19 لاکھ لے گئے

کراچی: شہر قائد میں ڈاکوراج برقرار، ڈیفنس میں بینک سے رقم نکلوا کر گھر آنیوالا شہری لٹ گیا، ڈاکو 19 روپے لاکھ لے گئے۔

ڈیفنس فیز 1 میں بینک سے رقم لانے والا شہری فیضان جیسے ہی ڈیفنس گارڈن کے قریب اپنی رہائش گاہ پہنچا تو موٹر سائیکل سوار 2 ڈاکوؤں نے انھیں اسلحے کے زور پر یرغمال بنا کررقم چھین لی اور موقع سے فرار ہوگئے۔

ایس ایچ او اشرف جوگی کے مطابق فیضان گاڑیوں کے شوروم کا مالک ہے جس نے بینک سے 19 لاکھ روپے نکلوائے تھے ، پولیس نے متاثرہ شہری کی مدعیت میں نامعلوم ملزمان کیخلاف مقدمہ درج کرلیا ہے۔

مزید پڑھیں:ڈاکوؤں کی فائرنگ سے شہید پولیس اہلکار کے قاتل گرفتار کرلئے گئے

دو روز قبل فیڈرل بی ایریا میں بھی ایسا ہی واقعہ پیش آیا تھا جب بلاک 17 میں تین مسلح ملزمان موٹرسائیکل پر پیچھا کرتے ہوئے گھر کے باہر موجود شہری کو لوٹنے پہنچے، ڈاکوؤں نے شہری کواسلحہ کے زورپرلوٹا،ساتھ ہی موٹرسائیکل بھی لیکرفرارہوگئے۔

واقعے کی سی سی ٹی وی فوٹیج سامنے آئی،جس میں دیکھا گیاکہ ملزمان موٹر سائیکل پر لٹکی دودھ اورڈبل روٹی کی تھیلی بھی ساتھ لے گئے۔شہری کو لوٹنے کی واردات اتوار کی شام ساڑھے چار بجے کے قریب پیش آئی۔

واردات کامقدمہ متاثرہ شہری محمد مختار کی مدعیت میں سمن آباد تھانے میں نامعلوم ملزمان کے خلاف درج کر لیا گیا ہے۔

اس روز ایف بی ایریا بلاک 17 میں الگ الگ وارداتوں کے دوران دو مختلف گلیوں میں کھڑی 2 موٹر سائیکلیں بھی چوری ہوئیں۔

اسٹریٹ کرائمز کی بڑھتی وارداتوں کے باعث شہری خوف کا شکار ہیں۔شہریوں نے بڑھتی وارداتوں پر اسٹریٹ کرمنلز کیخلاف موثر کارروائی کا مطالبہ کیا ہے۔