آرمی چیف اور ڈی جی آئی ایس آئی کی وزیر اعظم سے ملاقات، سیکورٹی صورتحال پر گفتگو

اسلام آباد: وزیراعظم عمران خان سے آرمی چیف جنرل قمر جاوید باجوہ اور ڈی جی آئی ایس آئی لیفٹیننٹ جنرل فیض حمید نے ملاقات کی، دونوں رہنماؤں کے درمیان ملاقات میں ملکی اور علاقائی سکیورٹی کی صورتحال پر تبادلہ خیال کیا گیا۔

وزیر اعظم عمران خان سے ہونے والے آرمی چیف اور ڈی جی آئی ایس آئی کی ملاقات میں بھارت کی جانب سے جنگ بندی معاہدوں کی خلاف ورزی اور لائن آف کنٹرول (ایل او سی) پر حالیہ اشتعال انگیزی کا بھی جائزہ لیا۔

Chief of Army Staff General Qamar Javed Bajwa called on PM of Pakistan at Islamabad today.

Director General ISI Lt. Gen. Faiz Hamid was also present on the occasion. pic.twitter.com/dG0kNerTZX

— Prime Minister's Office (@PakPMO) December 24, 2020

ملاقات کے بعد جاری اعلامیہ میں کہا گیا ہے کہ قومی قیادت نے مقبوضہ کشمیر میں بھارتی فورسز کے مظالم پر تشویش کا اظہار کرتے ہوئے قوم کے ساتھ مل کر مادر وطن کے بھرپور دفاع کے عزم کا اعادہ کیا۔