آرمی چیف جنرل قمر جاوید باجوہ اور امریکی وزیر خارجہ مائیک پومپیو کا ٹیلیفونک رابطہ

 آرمی چیف جنرل قمر جاوید باجوہ اوراور امریکی وزیر خارجہ مائیک پومپیو کا ٹیلیفونک رابطہ ہوا جس میں خطے کی تازہ صورتحال اور مشرق وسطیٰ میں رونما ہونے والی حالیہ کشیدگی اور اس سے ہونے الے ممکنہ مضمرات پر تبادلہ خیال کیاگیا۔

آرمی چیف جنرل قمر جاوید باجوہ نے امریکی وزیرخارجہ سے بات چیت کے دوران فریقین کو تحمل کامظاہرہ کرنے کی ہدایت کی ، آرمی چیف کا کہناتھا کہ خطے میں امن و استحکام کے لیے تمام فریقین تحمل کامظاہرہ کریں اور مذاکرات کاراستہ اپنائیں۔

COAS emphasised need for maximum restraint and constructive engagement by all concerned to de-escalate the situation in broader interest of peace and stability. COAS also reiterated the need for maintaining focus on success of Afghan Peace Process.(2of2).

— DG ISPR (@OfficialDGISPR) January 3, 2020

مزید پڑھیں: امریکی فضائیہ کا بغداد ائیرپورٹ پر حملہ، ایرانی کمانڈر سمیت 9 افراد جاں بحق ہو گئے

آرمی چیف نے امریکی وزیرخارجہ سے افغان امن عمل کی کامیابی پر توجہ مرکوز رکھنے کی ضرورت کا بھی اعادہ کیا۔

دوسری جانب امریکی وزیر خارجہ مائیک پومپیونے اپنی ٹوئٹ میں کہا کہ آرمی چیف جنرل قمر جاوید باجوہ سےرابطہ ہوا جس میں عراق میں اپنے دفاع میں کی گئی امریکی کارروائی سے متعلق بات ہوئی جس میں قاسم سلیمانی ہلاک ہوئے۔

#Pakistan‘s Chief of Staff General Bajwa and I spoke today about U.S. defensive action to kill Qassem Soleimani. The #Iran regime’s actions in the region are destabilizing and our resolve in protecting American interests, personnel, facilities, and partners will not waver.

— Secretary Pompeo (@SecPompeo) January 3, 2020

امریکی وزیرخارجہ کاکہناتھا کہ کہ ایران کے اقدامات خطے کوغیر مستحکم کرنے کاباعث ہیں ہیں تاہم امریکی مفادات، اہلکاروں اور تنصیبات اور شراکت داروںسمیت امریکی اتحادیوں کے تحفظ کا ہمارا عزم متزلزل نہیں ہوگا۔

واضح رہے کہ آج عراق کے دارالحکومت بغداد میں امریکی فضائیہ کے حملے میں قاسم سلیمانی نامی ایرانی کمانڈر سمیت 9 افراد جاں بحق ہو گئے تھے۔