گوگل نیوز پر ہمیں فالو کریںکراچی: کمشنر کراچی کی جانب سے پھلوں کی قیمتوں کی نئی فہرست جاری کردی گئی ہے۔
کمشنر کراچی سلیم راجپوت کی جاری کردہ فہرست کے مطابق کیلا درجہ اول فی درجن کے سرکاری نرخ 77 روپے، کیلا درجہ دوئم فی درجن کے 58 روپے، سیب گولڈن درجہ اول کے سرکاری نرخ 244 روپے فی کلو جبکہ سیب درجہ دوئم کے 219 روپے فی کلو مقرر کیے گئے ہیں۔
جاری کردہ فہرست میں موسمی درجہ اول کی قیمت 95 روپے فی کلو جبکہ موسمی درجۂ دوم کی 75 روپے کلو مقرر کی گئی ہے۔ اسی طرح چیکو درجۂ اوّل کی قیمت 99 روپے جبکہ چیکو درجۂ دوم کی قیمت 70روپے کلو مقرر کی گئی ہے۔
ملک بھر میں گندم کا بحران، آٹے کی قیمت میں اضافے کا بھی خدشہ
دوسری جانب ملک بھر کے تمام یوٹیلیٹی اسٹورز پر گھی اور کوکنگ آئل کی قیمتوں میں کمی کردی گئی ہے، گھی میں 23 روپے فی کلو سے لے کر 38 روپے تک کی کمی کی گئی۔
اس کے علاوہ کوکنگ آئل کی قیمت میں 13 روپے فی لیٹر سے لے کر 36 روپے فی لیٹر تک کی کمی کی گئی۔
ترجمان یوٹیلیٹی اسٹورز کا کہنا ہے کہ نئی قیمتوں کا اطلاق فوری طور پر کردیا گیا ہے، کمی عام صارفین کی سہولت کے لیے کی گئی ہے۔
