گوگل نیوز پر ہمیں فالو کریںکراچی:پاکستان پیپلز پارٹی کے چیئرمین بلاول بھٹو زرداری نے آزاد کشمیر کی قانون ساز اسمبلی کی نشست ایل اے 12 کوٹلی 5 پر پیپلز پارٹی کی جیت پر کارکنان کو مبارکباد دی ہے۔
بلاول بھٹو نے سماجی رابطوں کی ویب سائٹ ٹوئٹرپرایل اے 12کوٹلی کے انتخابات کے نتائج کی فہرست جاری کی اور کارکنان کو جیت کی مبارکباد دی۔
چیئرمین پیپلز پارٹی بلاول بھٹو زرداری نے اپنے ٹوئٹ میں لکھا کہ پی پی پی کے تمام کارکنوں کو آزاد کشمیر سے ایک اور جیت پر مبارکباد۔انہوں نے لکھا کہ ہم نے ایک اور ضمنی الیکشن میں پی ٹی آئی کو شکست دی ہے۔
آزاد کشمیر میں ایک اور جیت پر تمام کارکنان کو مبارک باد پیش کرتا ہوں، ہم نے پی ٹی آئی کو بالآخر ایک اور ضمنی انتخاب میں شکست سے دوچار کردیا، کراچی سے کشمیر تک جئے بھٹو بے نظیر https://t.co/Cr892oJ14w
— BilawalBhuttoZardari (@BBhuttoZardari) October 11, 2021
کراچی سے کشمیر جئے بھٹو بے نظیر۔خیال رہے کہ آزاد کشمیر کی قانون ساز اسمبلی کی نشست ایل اے 12 کوٹلی 5 پر ریٹرننگ افسر نے پیپلز پارٹی کے عامر یاسین کو کامیاب قرار دے دیا، بوگس ووٹ ڈالنے کی اطلاعات پر پولنگ اسٹیشن 21 کا رزلٹ روک دیا گیا۔
مزید پڑھیں: عامر لیاقت کی فواد چوہدری کو خاموش رہنے کی وارننگ، تھپڑ کی دھمکی بھی دیدی
