پاکستان میں کورونا وائرس مزید 14 زندگیاں نگل گیا، 1207 نئے کیسز ریکارڈ

اسلام آباد: پاکستان میں کورونا وائرس کے کیسز میں نمایاں کمی کے باوجود 1207 نئے کیسز کے ساتھ 14 افراد انتقال کرگئے۔

ہفتہ کی صبح نیشنل کمانڈ اینڈ آپریشن سینٹر کی طرف سے جاری کردہ اعداد و شمار کے مطابق پاکستان میں گزشتہ 24 گھنٹوں کے دوران مزید 14 اموات اور 1207 نئے کیسز کی اطلاع ملی۔

این سی او سی کے مطابق 14 نئی اموات کے بعد مرنےوالوں کی مجموعی تعداد اب بڑھ کر 30153 ہو گئی ہے جبکہ نئے 1207 کیسز شامل کرنے کے بعد متاثرین کی تعداد 1507657 ہو گئی ہے۔

گزشتہ 24 گھنٹوں کے دوران پاکستان بھر میں 53625 ٹیسٹ کیے گئے جب کہ مثبت کا تناسب 2اعشاریہ 25 فیصد رہا۔ تشویشناک نگہداشت میں مریضوں کی تعداد 1117 تھی۔

ملک میں 25313 مریض وائرس سے صحت یاب ہوئے ہیں جبکہ صحت یاب ہونے والوں کی کل تعداد 1440292 ہے۔ ہفتہ تک ملک میں فعال کیسز کی کل تعداد 37212 ریکارڈ کی گئی۔

مزید پڑھیں:کورونا سے متاثرہ 204مسافروں کے کراچی پہنچنے کا انکشاف

سندھ میں اب تک 567000، پنجاب میں 500789، خیبرپختونخوا میں 215936، اسلام آباد میں 134240، بلوچستان میں 35322، آزاد کشمیر میں 42909 اور گلگت بلتستان میں 11461 افراد میں کورونا وائرس کی تصدیق ہوچکی ہے۔

اس کے علاوہ پنجاب میں اب تک 13 ہزار 493، سندھ میں 8 ہزار 62، کے پی میں 6 ہزار 237، اسلام آباد میں 1009، آزاد کشمیر میں 787، بلوچستان میں 375 اور گلگت بلتستان میں 189 افراد جان کی بازی ہار چکے ہیں۔