گوگل نیوز پر ہمیں فالو کریںاسلام آباد کی انسداد دہشت گردی کی عدالت (اے ٹی سی) اور ضلعی اور سیشن عدالت نے منگل کو پاکستان تحریک انصاف (پی ٹی آئی) کے چیئرمین عمران خان کی تین تین مقدمات میں ضمانت کی درخواستیں مسترد کر دیں۔
اے ٹی سی کے جج ابوالحسنات ذوالقرنین نے پی ٹی آئی چیئرمین کے خلاف درج تین مقدمات سے متعلق محفوظ کیا گیا فیصلہ سنایا۔
عمران خان کے خلاف تین مقدمات میں سے دو تھانہ کھنہ اور تیسرا تھانہ بہارہ کہو میں درج کیا گیا۔
عدالت نے عدم پیشی پر عمران خان کی ضمانتیں خارج کر دیں۔
8 اگست کو لاہور کی انسداد دہشت گردی کی عدالت نے پی ٹی آئی چیئرمین عمران خان کی ایک دن کی حاضری سے استثنیٰ کی درخواست منظور کرتے ہوئے 9 مئی کو توڑ پھوڑ کے کم از کم 5 مقدمات میں ان کی عبوری ضمانت میں 11 اگست تک توسیع کردی تھی۔
درخواست عمران خان کے وکیل کی جانب سے 9 مئی کو لاہور کور کمانڈر ہاؤس میں توڑ پھوڑ اور جلاؤ گھیراؤ کے کیس میں دائر کی گئی تھی۔
مزید پڑھیں:الیکشن کمیشن شفاف حلقہ بندیاں طریقے سے مکمل کرے، سپریم کورٹ
درخواست گزار کے وکیل نے استدعا کی کہ پی ٹی آئی سربراہ کو گرفتار کر لیا گیا ہے۔ وکیل سلمان صفدر نے امید ظاہر کی کہ ان کے موکل کی سزا ایک ہفتے میں معطل ہو جائے گی۔
