284 نئے کیسز رپورٹ، پاکستان میں کورونا متاثرین کی تعداد4792 ہوگئی

کراچی : پاکستان میں جمعہ کو مختلف شہروں سے مزید 284 نئے کیسزسامنے آنے کے بعد کورونا وائرس سے متاثر ہونیوالوں کی تعداد 4792 ہوگئی۔

پنجاب میں 2336 ، سندھ میں 1214 ، خیبر پختونخوا میں 656 ، گلگت بلتستان میں 215 ، اسلام آباد میں 118 اور آزاد کشمیر میں 33 کیسز رپورٹ ہوچکے ہیں۔

مزید پڑھیں:کراچی ،گلستان سوسائٹی و قائد آباد میں کورونا متاثرین کی تعداد 24 ہوگئی

ملک میں 727 کورونا سے متاثرہ مریض صحت یاب ہوچکے ہیں جبکہ 45 کی حالت تشویشناک ہے۔

دسمبر 2019 میں چین میں سامنے آنیوالا کورونا وائرس 212 ممالک میں 15 لاکھ سے زیادہ افراد کو شکار بنا چکا ہے اور دنیا بھر میں کورونا سے تصدیق شدہ ہلاکتوں کی تعداد 90000 سے بھی تجاوز کرچکی ہے۔