پاکستان میں کورونا سے 12لاکھ 92ہزار افراد متاثر، 28 ہزار 894جاں بحق

اسلام آباد: ملک بھر میں کورونا سے 12 لاکھ 92 ہزار 406 افراد متاثر جبکہ وائرس کا شکار 28 ہزار 894 افراد جاں بحق ہوگئے۔ 666 مریضوں کی حالت تشویشناک ہے۔ 

نیشنل کمانڈ اینڈ آپریشن سینٹر (این سی او سی) کے جاری کردہ اعدادوشمار کے مطابق ملک بھر میں گزشتہ 24 گھنٹوں کے دوران کورونا کے 359 نئے کیسز رپورٹ ہوئے جبکہ وائرس میں مبتلا 2 مزید شہری جان کی بازی ہار گئے۔ 

یہ بھی پڑھیں:

اومی کرون بلوچستان پہنچ گیا، متعدد کیسز رپورٹ، وزیر اعلیٰ کا اظہارِ تشویش

کوروناکی وجہ سے کاروباربند،مہنگائی پوری دنیاکامسئلہ ہے، وزیراعظم

کورونا کی تشخیص کیلئے گزشتہ 24 گھنٹوں کے دوران 46ہزار564ٹیسٹ ہوئے، مجموعی ٹیسٹس 2 کروڑ30 لاکھ 798 ہوگئے۔ ملک بھر میں کورونا وائرس کے ٹیسٹ کا نتیجہ مثبت آنے کی شرح 0.77فیصد ریکارڈ کی گئی۔

گزشتہ 24 گھنٹوں کے دوران ملک بھر میں کورونا کو  510افراد نے شکست دی جس سے صحتیاب افراد کی مجموعی تعداد 12 لاکھ 54 ہزار104 ہوگئی۔ملک بھر میں کورونا کے فعال کیسز 9 ہزار 408ہوگئے۔ شرحِ اموات 2.2فیصد پر برقرار ہے۔ 

سب سے زیادہ کورونا کیسز سندھ میں جبکہ اموات پنجاب میں رپورٹ ہوئیں۔ پنجاب میں 4 لاکھ 44 ہزار 380افراد وائرس کا شکار جبکہ 13 ہزار 61جاں بحق ہوگئے۔ سندھ میں کورونا کے 4 لاکھ 79 ہزار 890کیسز اور 7 ہزار 658اموات رپورٹ ہوئیں۔

خیبر پختونخوا کے مختلف شہروں میں 1 لاکھ 81 ہزار 88افراد کورونا کا شکار ہوئے جبکہ 5 ہزار 916انتقال کر گئے۔ بلوچستان میں وائرس کے 33 ہزار 614 کیسز رپورٹ ہوئے  اور 363 شہری جان کی بازی ہار گئے۔

آزاد کشمیر میں 34ہزار 651افراد کورونا سے متاثر اور 746انتقال کر گئے، گلگت بلتستان میں 10 ہزار 429کیسز اور 186 اموات رپورٹ ہوئیں۔اسلام آباد میں 1 لاکھ 8ہزار 354شہری کورونا سے متاثر جبکہ 964 جاں بحق ہوگئے۔