بھارت میں کورونا بحران کے دوران آکسیجن کے بحران میں فنکاربھی انتظامیہ کی مدد کیلئے سامنے آگئے، سلمان خان کے بعد اداکارہ ٹوئنکل کھنہ نے 100 آکسیجن سلنڈر تقسیم کرنے کا اعلان کردیا۔
ٹوئنکل کھنہ نے ٹویٹر پر اپنے پیغام میں کہا ہے کہ وہ 100 آکسیجن سلنڈرزتقسیم کرنے میں مدد فراہم کریں گی،اس سے قبل ان کے شوہراداکار اکشے کمار نے کرکٹر گوتم گمبھیر کی غیر سرکاری تنظیم کو کورونا سے متاثرہ افراد کی مدد کے لئے ایک کروڑ روئے کی رقم دینے کا وعدہ کیا تھا۔
واضح رہے کہ ہندوستان میں کورونا کی تباہ کاریاں جاری ہیں، کورونا کے مزید 3 لاکھ 52 ہزار مریض سامنے آ گئے۔مجموعی تعداد ایک کروڑ 73 لاکھ سے زائد ہو گئی۔
بنگلہ دیش نے بھارت کے ساتھ اپنی سرحد بند کرنے کا اعلان فیصلہ کرلیا ہے، دوسری جانب امریکی میڈیا کا دعویٰ ہے کہ بھارت میں کورونا سے اموات کی اصل تعداد بہت زیادہ ہے۔
برطانوی ماہر نے خدشہ ظاہر کیا ہے کہ مئی کے پہلے ہفتے کے دوران بھارت میں کورونا کیسوں کی روزانہ تعداد 5 لاکھ تک ہونے کا امکان ہے۔ غیر ملکی میڈیا کے مطابق بھارت میں مزید 2 ہزار 688 افراد جان سے گئے۔
گوگل نیوز پر ہمیں فالو کریں
