گوگل نیوز پر ہمیں فالو کریںمعروف سوشل میڈیا انفلوئنسر اور اداکارہ دنانیر مبین نے کہا ہے کہ میں محبت کیلئے اپنے خوابوں پر سمجھوتہ نہیں کروں گی، جس سے سوشل میڈیا صارفین میں نئی بحث چھڑ گئی۔ سوال کیا جارہا ہے کہ کیا محبت اور خواب الگ الگ ہوتے ہیں؟
تفصیلات کے مطابق اپنے ایک حالیہ انٹرویو کے دوران دنانیر مبین نے کہا کہ میں محبت کیلئے اپنے کیرئیر اور خوابوں پر کبھی سمجھوتہ نہیں کروں گی، محبت میں اتنی پاگل نہیں کہ کسی کے پیچھے بھاگنا شروع کردوں۔ جیسے جیسے وقت گزر رہا ہے، اندازہ ہوتا ہے کہ اپنی زندگی اور کام بہت اہم ہیں۔
View this post on Instagram
انٹرویو کے دوران اداکارہ نے کہا کہ میں اس وقت اپنی زندگی جی رہی ہوں اور کوئی اس میں شامل ہونا چاہے تو خوش آمدید کہوں گی لیکن جو شخص میری پہنچ سے دور ہو اور میرے لیے مخلص نہ ہو، اس کیلئے دیوانی ہوجاؤں، ایسا نہیں ہوسکتا۔ کسی کا تعاقب نہیں کروں گی۔
اداکارہ دنانیر مبین نے کہا کہ میں کسی شخص کیلئے رو کر خود کو اذیت میں نہیں ڈالوں گی کیونکہ میرے پاس محبت میں بیٹھنے اور رونے کا وقت نہیں۔ محبت کے معاملے میں زبردستی کی بھی قائل نہیں۔ میری زندگی میں بہت کچھ اہم ہورہا ہے۔ اپنے کام اور اداکاری پر توجہ دینا چاہتی ہوں۔
دنانیر مبین کا کہنا تھا کہ مداحوں کو محسوس ہو کہ دو اداکاروں کے مابین کوئی رشتہ ہے تو ان کے نام جوڑنے کا آغاز کردیتے ہیں، جس سے مجھے الجھن ہوتی ہے۔ اس عمل سے ہم اور ہمارا خاندان بہت متاثر ہوتے ہیں اور سب کو ذہنی کوفت اٹھانی پڑتی ہے۔ بعض اوقات لوگ ہماری اداکاری میں کھو کر ڈراموں اور اصل زندگی میں فرق کرنا بھول جاتے ہیں۔
