ایک طرف ملک کے بڑے شہروں میں ڈینگی کی وبا نے پنجے گاڑ دیے ہیں، دوسری طرف خیبرپختونخوا کے ضلع خیبرمیں لاکھوں روپے مالیت کی 1200 ڈینگی لیب کِٹس چوری کرلی گئیں۔

ڈسٹرکٹ ہیلتھ آفیسرڈاکٹر ظفرعلی کے مطابق لیبارٹری کٹس ایک ہفتہ قبل رات کے اندھیرے میں جمرود اسپتال سےچوری کی گئیں۔

انہوں نے بتایا کہ جمرود تھانہ میں ملزمان کے خلاف مقدمہ درج کیے جانے کے پولیس نے واقعہ کی تحقیقات شروع کردی ہیں۔

یہ بھی پڑھیں:

دوسری جانب خیبرپختونخوامیں ڈینگی سے متاثرہ افراد کی تعداد 1003 ہوگئی ہے، جبکہ ایک شخص کی موت کے بعد تعداد 5 ہوگئی ہے۔

ڈینگی کے سب سے زیادہ کیسز کراچی میں 192رپورٹ ہوئے، جبکہ وفاقی دارالحکومت اسلام آباد میں مزید 113 افراد ڈینگی میں مبتلا ہوئے۔

بلوچستان کے 3 اضلاع میں بھی ڈینگی کیسز سامنے آنے لگے ہیں، لسبیلہ، گوادر اور تربت میں 10 کیسز رپورٹ ہوئے۔