گوگل نیوز پر ہمیں فالو کریںمشرق وسطیٰ میں کشیدہ صورتحال کے درمیان ایران کے ممکنہ جوہری تجربے کے بارے میں قیاس آرائیاں سامنے آئی ہیں تاہم تہران اس معاملے پر مکمل طور پر خاموش ہے۔
سوشل میڈیا پر کچھ پاکستانی ایران کے مبینہ ایٹمی تجربے پر مسلمانوں کو مبارکباد دے رہے ہیں اور اپنے دعووں کی حمایت میں کچھ ثبوت پیش کر رہے ہیں کہ مبینہ ایٹمی تجربے کے بعد تہران اب ایک ایٹمی طاقت بن گیا ہے۔
دوسری جانب ایران اور اسرائیل میں ہفتہ 5 اکتوبر کو درمیانی شدت کا زلزلہ آیا۔ عجیب بات یہ ہے کہ دونوں ممالک نے وقت میں معمولی فرق کے ساتھ زلزلے کا مشاہدہ کیا گیا۔ ایسے میں یہ قیاس کیا جا رہا ہے کہ آیا ایران نے اپنا جوہری تجربہ کیا ہے۔
ایران کے صوبہ سمنان کے شہر ارادان میں زلزلہ آیا۔ ریکٹر اسکیل پر اس کی شدت 4.5 تھی۔زلزلہ مقامی وقت کے مطابق رات 10 بج کر 45 منٹ پر آیا اور اس کا مرکز زمین سے صرف 10 کلومیٹر کی گہرائی میں تھا۔ امریکی جیولوجیکل سروے کی رپورٹ کے مطابق زلزلے کے جھٹکے تہران میں محسوس کیے گئے جو زلزلے کے مرکز سے 110 کلومیٹر دور ہے۔
چند منٹ بعد اسرائیل سے زلزلے کی اطلاع ملی۔ یورپی میڈیٹیرینین سیسمک سینٹر کی رپورٹ کے مطابق یہ زلزلہ 12 بجے کے قریب آیا لیکن اس کی شدت بہت کم رہی۔
ایران اور اسرائیل کے درمیان تنازع کی شدید حالت کو دیکھتے ہوئے لوگوں نے سوشل میڈیا پر ان دونوں ممالک میں آنے والے زلزلوں کو ایران کے ایٹمی تجربات سے جوڑنا شروع کر دیا ہے۔
کئی رپورٹس میں یہ قیاس آرائیاں کی جا رہی ہیں کہ یہ زلزلہ نہیں تھا بلکہ ایران نے زیر زمین ایٹمی تجربات کیے تھے جس کی وجہ سے دونوں ممالک میں شدید جھٹکا محسوس کیا گیا تھا۔
ایک اور رپورٹ میں دعویٰ کیا گیا ہے کہ ایران میں آنے والا زلزلہ زیر زمین ایٹمی تجربہ ہو سکتا ہے کیونکہ اس کا مرکز زمین سے صرف 10 کلومیٹر کی گہرائی میں تھا۔
ایسے میں ایران کے جوہری تجربے کی قیاس آرائیاں مزید گہری ہو گئی ہیں۔ایران نے ابھی تک جوہری تجربے سے متعلق قیاس آرائیوں کی سرکاری طور پر تصدیق یا تردید نہیں کی ہے۔
