گوگل نیوز پر ہمیں فالو کریںپاکستان کے معروف اینکر پرسن مبشر لقمان نے ایک چونکا دینے والا دعویٰ کرتے ہوئے کہا ہے کہ بالی وڈ کے مشہور جوڑے سیف علی خان اور کرینہ کپور کے درمیان جلد طلاق ہونے والی ہے۔ سوشل میڈیا پر وائرل ہونے والے ایک ویڈیو کلپ میں مبشر لقمان نے انکشاف کیا کہ بھارتی میڈیا کے ذرائع سے انہیں ایسی اطلاعات ملی ہیں کہ سیف اور کرینہ کی ازدواجی زندگی میں شدید تناؤ ہے۔
مبشر لقمان نے اپنے بیان میں کہا کہ سیف مبینہ طور پر رنگے ہاتھوں پکڑے گئے اور ان پر حملہ خود کرینہ کپور نے کروایا۔ انہوں نے مزید دعویٰ کیا کہ سیف نے قطر کی شہریت حاصل کرلی ہے اور وہ وہاں منتقل ہونے کے خواہشمند ہیں جبکہ کرینہ اس فیصلے سے متفق نہیں۔ یہی تنازع دونوں کے درمیان علیحدگی کی وجہ بن رہا ہے۔
View this post on Instagram
یہ افواہیں اس وقت اور شدت اختیار کر گئیں جب چند ماہ قبل بھارتی نجومی سشیل کمار سنگھ نے بھی سیف اور کرینہ کے تعلقات کے بارے میں حیران کن پیش گوئی کی تھی۔ ایک انٹرویو میں انہوں نے کہا تھا کہ “سیف اور کرینہ کی کنڈلی کے مطابق اگلے ڈیڑھ سال میں دونوں کے راستے جدا ہو جائیں گے۔” اس پیش گوئی نے جوڑے کے مداحوں کو شدید پریشانی میں مبتلا کر دیا تھا۔
واضح رہے کہ سیف علی خان اور کرینہ کپور، جنہوں نے 2012 میں شادی کی تھی، بالی وڈ کی مقبول اور خوشحال جوڑیوں میں شمار ہوتے ہیں۔ ان کے دو بیٹوں، تیمور اور جے، کے ساتھ یہ جوڑا ہمیشہ خبروں کی زینت بنتا رہتا ہے۔ تاہم ان افواہوں نے ان کے چاہنے والوں کے دل میں بے چینی پیدا کر دی ہے کہ آیا واقعی یہ جوڑا علیحدگی کی طرف بڑھ رہا ہے یا یہ محض ایک سنسنی خیز خبر ہے؟
فی الحال سیف اور کرینہ کی جانب سے اس حوالے سے کوئی باضابطہ بیان سامنے نہیں آیا لیکن سوشل میڈیا پر یہ بحث زوروں پر ہے۔
