گوگل نیوز پر ہمیں فالو کریںمعروف پاکستانی سوشل میڈیا انفلوئنسر ڈکی بھائی نے آج کے دن کو انٹرنیٹ کیلئے یادگار قرار دیتے ہوئے 100 روز بعد خاموشی توڑنے کا اعلان کردیا ہے۔
سماجی رابطے کی ویب سائٹ ایکس (سابقہ ٹوئٹر) پر اپنے پیغام میں یوٹیوبر ڈکی بھائی نے اپنے فالوورز سے خطاب کا اعلان کرتے ہوئے کہا کہ آج تک 100 دن ہوئے جن کے دوران الفاظ صفر رہے، آج اتوار کو شام 6بجے یوٹیوب پر اپنی خاموشی توڑدوں گا۔
ایکس پیغام میں یوٹیوبر ڈکی بھائی نے کہا کہ انٹرنیٹ یہ کبھی نہیں بھولے گا۔
100 days. Zero words. Today, Sunday, 6PM on YouTube, I break my silence. And the internet won’t forget this.
— Ducky Bhai (@duckybhai) December 6, 2025
دوسری جانب یوٹیوبر ڈکی بھائی کے سوشل میڈیا فالوورز اور مداح اس ویڈیو کا بے چینی کے ساتھ انتظار کر رہے ہیں جس میں یوٹیوبر ڈکی بھائی کی طویل قانونی جدوجہد اور سوشل میڈیا پر واپسی سے متعلق اہم اعلانات کی توقع کی جارہی ہے۔
یاد رہے کہ اس سے قبل یوٹیوبر ڈکی بھائی 17اگست کو لاہور ائیرپورٹ سے گرفتار ہوئے، ان پر سوشل میڈیا پلیٹ فارم کے ذریعے جوا ایپ کی تشہیر کا الزام عائد کیا گیا تھا، این سی سی آئی اے نے یوٹیوبر ڈکی بھائی کے خلاف تفصیلی تفتیش کی۔
ڈکی بھائی کی رہائی سے قبل مقدمے سے وابستہ 7 این سی سی آئی اے افسران گرفتار ہو گئے جن پر الزام تھا کہ انہوں نے ڈکی بھائی سمیت کئی کالز سینٹرز سے رشوت لی۔ بعد ازاں لاہور کی ایک مقامی عدالت نے ڈکی بھائی کی ضمانت پر فوری رہائی کا حکم دے دیا تھا۔
