گوگل نیوز پر ہمیں فالو کریںپاکستانی شوبز انڈسٹری کی معروف اداکارہ و ماڈل حمائمہ ملک نے بالی ووڈ اداکار عمران ہاشمی کو مذہبی شخص قرار دے دیا۔
حال ہی میں حمائمہ ملک نے ایک یو ٹیوب چینل کو انٹرویو دیا، جس میں پڑوسی ملک میں کام کے تجربے اور اس کے باعث سوشل میڈیا پر ہونے والی تنقیدوں کے حوالے سے بات کی۔
انہوں نے کہا کہ میں جب بھی کبھی سوشل میڈیا پر کوئی پوسٹ شیئر کرتی ہوں تو سوشل میڈیا صارفین تبصرہ کرتے وقت صرف عمران ہاشمی کا ہی ذکر اور تنقید کرتے ہیں جس کی وجہ سے اس کے تمام گناہ دھل گئے ہوں گے۔
حمائمہ ملک نے اپنی گفتگو جاری رکھتے ہوئے مزید کہا کہ عمران ہاشمی بہت اچھے انسان اور دوست ہیں، وہ ایک مہذب اور مذہبی انسان ہیں ، وہ ایک باعمل مسلمان ہیں۔
اداکارہ کے مطابق عمران ہاشمی کو تمام آیاتیں زبانی یاد ہیں، سیٹ پر جب دونوں ساتھ ہوتے تھے تو اکثر ساتھ مل کر آیات کی تلاوت بھی کرتے تھے۔
حمائمہ ملک نے مزید بتایا کہ عمران ہاشمی کے دل میں کسی کے لئے کوئی برائی نہیں ہے بلکہ سب کی عزت کرتا ہے اور اپنے کام کی بہت عزت کرتا ہے۔
یاد رہے کہ 2014 میں بالی ووڈ کی فلم ’راجہ نٹورلال‘ میں عمران ہاشمی اور حمائمہ ملک نے ایک ساتھ اداکاری کی تھی۔
