پشاور زلمی کا ترانہ ریلیز؛ حلیمہ سلطان(اسرا) کی انٹری نے سب کو حیران کردیا

لاہور: ارطغرل غازی کی حلیمہ سلطان ایسراء بلجیک اور ہانیہ عامر بھی پاکستان سپر لیگ کی فرنچائز کی پشاور زلمی کا حصہ بن گئیں۔

پشاور زلمی نے اپنے ٹویٹر اکاؤنٹ پر پیغام میں بتایا کہ ہم زلمی فیملی میں ایسراء بلجیک کا خیر مقدم کرتے ہیں اس سے قبل پی ایس ایل کی فرنچائز نے اداکارہ ہانیہ عامر اور علی رحمان کو برانڈ ایمبیسیڈر کے ساتھ ساتھ ماہرہ خان کوبھی سفیر مقرر کیا تھا۔ ادھر ٹیم کے مالک جاوید آفریدی نے اعلان کیا ہے کہ آج رات زلمی کاترانہ جاری کیا جائے گا۔

We welcome Esra Bilgic into our #ZKingdom

Brace yourself Yellow storm, a kingdom is about to be revealed tonight⚡️@esbilgic #Zalmi #YellowStorm pic.twitter.com/UcrgRqN2Eq

— PeshawarZalmi (@PeshawarZalmi) February 19, 2021

فرنچائز کی جانب سے جاری پریس ریلیز کے مطابق پی ایس ایل 3اور پی ایس ایل 4کے بعد ماہرہ خان تیسری بار پشاور زلمی کی برانڈ ایمبیسیڈر ہوں گی۔

پشاور زلمی کے چیئرمین جاوید آفریدی نے ماہرہ خان کی بطور برانڈ ایمبیسیڈر تقرری کا اعلان کرتے ہوئے پشاور زلمی میں خیرمقدم کیا ہے۔

قبل ازیں پاکستان سپر لیگ سیزن 6 کیلئے پشاور زلمی کی آفیشل کٹ لانچ کی گئی تھی جس میں پاکستان کی خوبصورتی کو دنیا بھر میں نمایاں کرنے کے لئے مالم جبہ کو بھی کٹ میں شامل کیا گیا ہے۔

چیئرمین پشاور زلمی جاوید آفریدی نے مسلسل دوسرے سال پاکستان سپر لیگ کے پورے ٹورنامنٹ کے پاکستان میں انعقاد پر حکومت پاکستان کرکٹ بورڈ اور فینز کو مبارکبادپیش کی ہے۔

مزید پڑھیں:انتظار کی گھڑیاں ختم، پی ایس ایل 6 کا میلہ آج سجے گا، کراچی کنگز اور کوئٹہ گلیڈی ایٹرز آمنے سامنے

پشاور زلمی کے چیئرمین جاوید آفریدی کا کہنا ہے کہ پاکستان سپر لیگ سیزن 6 کے لیے پشاور زلمی جہاں اچھی کارکردگی کے لیے پرامید ہے وہیں ہماری کوشش ہے کہ ہم پاکستان کی خوبصورتی اور ثقافت کو بھی دنیا بھر کے سامنے پیش کریں۔

اسی لئے پشاور زلمی کی آفیشل پلئینگ کٹ میں پاکستان کے خوبصورت ترین مقامات میں سے ایک مالم جبہ کو بھی شامل کیا گیا ہے۔