ملک کی پہلی خواجہ سرا ڈاکٹرسارا گل کو جناح اسپتال میں ہاؤس جاب مل گئی

کراچی:وزیراعلیٰ سندھ سید مراد علی شاہ کی خصوصی ہدایت پر ملک کی پہلی خواجہ سرا ڈاکٹرسارا گل کو جناح پوسٹ گریجویٹ میڈیکل سینٹر(جے پی ایم سی)میں ہاؤس جاب دیدی گئی۔

چیئرمین پیپلزپارٹی بلاول بھٹو زرداری کی جانب سے وزیراعلیٰ سندھ سید مراد علی شاہ کو ڈاکٹر سارا گل کو فوری ہاؤس جاب دلانے کی ہدایت کی تھی۔

ذرائع کے مطابق ڈاکٹر سارا نے جے پی ایم سی کے ایگزیکٹیو ڈائریکٹر پروفیسر شاہد رسول سے ملاقات کی اور ہاؤس جاب آرڈر لیا۔

مزید پڑھیں: پاکستان میں کورونا کے5ہزار 327نئے کیسز رپورٹ، 32مزید شہری جاں بحق

وزیراعلیٰ سندھ نے ڈاکٹرساراگل کو ہاؤس جاب ملنے پر مبارکباد پیش کی اورکہاکہ پیپلزپارٹی کی سندھ حکومت خواجہ سرا ؤں کو ہر شعبے میں آگے لانے کے لیے اقدامات کررہی ہے۔ہم خواجہ سراؤں کو ہر شعبے میں عزت و احترام دلوائیں گے۔جاب لیٹر ملنے پر ڈاکٹر سارا گل نے سندھ حکومت کا شکریہ ادا کیا۔