اللہ مجھ پر بے حد مہربان ہے، پاکستان کی نمائندگی کرکے خوشی محسوس کرتا ہوں۔فواد عالم

قومی کرکٹ ٹیم کے مڈل آرڈر بیٹسمین فواد عالم نے کہا ہے کہ اللہ تعالیٰ مجھ پر بے حد مہربان ہے جبکہ میں پاکستان کی نمائندگی کرکے بے حد خوشی محسوس کرتا ہوں۔

سماجی رابطے کی ویب سائٹ ٹوئٹر پر اپنے پیغام میں پاکستانی بیٹسمین فواد عالم نے کہا کہ  مجھے پی سی بی ایوارڈزمیں سال کی بہترین انفرادی کارکردگی پر اعزاز ملا جس پر بے حد خوشی ہوئی۔

کرکٹر فواد عالم نے کہا کہ مجھے اپنے ملک کی نمائندگی کرکے بے حد سکون ملتا ہے، اللہ تعالیٰ مجھ پر بے حد مہربان ہے اور میں اپنی حمایت کرنے پر ہر شخص کا شکر گزار ہوں جس نے مجھے سپورٹ کیا۔ 

I'm truly humbled to be honoured for the best individual performance of the year at the PCB awards. It gives me immense pleasure to represent my country. Allah has been very kind to me. I would like to thank everyone who has supported me. #PCBAwards2020 #PCB #Cricket pic.twitter.com/Y3hUyJnXN5

— Fawad Alam (@iamfawadalam25) January 1, 2021

یاد رہے کہ اِس سے قبل قومی کرکٹر فواد عالم نے نیوزی لینڈ کے خلاف پہلے ٹیسٹ میں پْراعتماد سینچری اسکور کر کے سب کے دل جیت لئے۔ بدھ کو فواد عالم کی سنچری کے بعد صارفین کی جانب سے داد و تحسین موصول ہونا شروع ہوگئیں۔

فواد عالم کی شاندار بیٹنگ پر انٹرنیشنل کرکٹ کونسل (آئی سی سی) اور نیوزی لینڈ کرکٹ بورڈ بھی معترف نظر آئے۔یاد رہے کہ دوسری اننگز میں فواد عالم جب بیٹنگ کے لیے وکٹ پر آئے تو پاکستانی ٹیم مشکلات کا شکار تھی۔

مزید پڑھیں: فواد عالم نے اپنی شاندار پرفارمنس سے شائقین کرکٹ کے دل جیت لیے