گوگل نیوز پر ہمیں فالو کریںاسلام آباد: وفاقی وزیرِ سائنس و ٹیکنالوجی فواد چوہدری نے کہا ہے کہ سیاسی مگرمچھ ملک کو دبوچ کر بچے کھچے وسائل بھی ہڑپ کرنا چاہتے ہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ میں یہ نہیں کہہ سکتا کہ تحریکِ انصاف کی حکومت بہترین اور نقائص سے پاک ہے، عوام کی توقعات اس سے کہیں زیادہ ہیں۔
وفاقی وزیر فواد چوہدری نے کہا کہ تحریکِ انصاف کی حکومت کو عوام کی توقعات کے مطابق اپنی کارکردگی اس سے کہیں بہتر کرنے کی ضرورت ہے، لیکن حقیقت یہ ہے کہ وزیرِ اعظم عمران خان ملک کی واحد امید ہیں۔
وزیرِ سائنس و ٹیکنالوجی فواد چوہدری نے کہا کہ وزیرِ اعظم عمران خان کو چھوڑ کر صرف سیاسی مگر مچھ رہ جاتے ہیں جو ملک کو دبوچنا چاہتے ہیں تاکہ بچے کھچے وسائل بھی ہڑپ کرسکیں۔
یہ نہیں کہ سکتا تحریک انصاف کی حکومت perfect ہے ، عوام کی توقعات زیادہ ہیں اور کارکردگی کہیں بہترکرنےکی ضرورت بھی ہے لیکن حقیقت یہ ہے کہ اس وقت عمران خان اس ملک میں واحد امید ہے اس کے علاوہ صرف سیاسی مگر مچھ ہیں جو ملک کو دبوچنا چاہتے ہیں تاکہ بچے کچھے وسائل بھی ہڑپ کر سکیں
— Ch Fawad Hussain (@fawadchaudhry) March 6, 2021
یاد رہے کہ اِس سے قبل وفاقی وزیرِ سائنس و ٹیکنالوجی فواد چوہدری نے کہا کہ اپوزیشن کی سیاسی جماعتوں کو نابالغ رہنماؤں نے یرغمال بنا لیا ہے۔
ٹوئٹر پر رواں برس 26 جنوری کے روز اپنے پیغام میں وزیرِ سائنس و ٹیکنالوجی فواد چوہدری نے کہا کہ اپوزیشن سیاسی نابالغوں نے یرغمال بنا لی ہے۔ حکومت کی طرف سے پارلیمان میں رابطہ کار کو کہا جارہا ہے کہ حکومت منتیں کر رہی ہے۔
مزید پڑھیں: اپوزیشن کی سیاسی جماعتوں کو نابالغ رہنماؤں نے یرغمال بنا لیا ہے۔فواد چوہدری
