پاک تاجکستان فضائی روٹ کی منظوری متوقع، وفاقی کابینہ کا اجلاس آج ہوگا

اسلام آباد: وزیر اعظم عمران خان کی زیر صدارت وفاقی کابینہ کا اجلاس آج ہوگا جس میں پاک تاجکستان فضائی روٹ سمیت دیگر اہم امور کی منظوری متوقع ہے۔

تفصیلات کے مطابق وزیر اعظم عمران خان کی زیر صدارت اجلاس میں پاکستان اور تاجکستان کے مابین عالمی فضائی روٹ کے قیام کی منظوری دی جائے گی۔ وفاقی کابینہ اجلاس کا 15 نکاتی ایجنڈا جاری کردیا گیا جس میں اہم سیاسی و عالمی امور شامل ہیں۔

یہ بھی پڑھیں:

آرمی چیف جنرل قمرجاویدباجوہ کا کورہیڈکوارٹرز کراچی کادورہ

پنجاب کےعوام کیلئے خوشخبری،وزیراعظم نے ہیلتھ کارڈ کا اجراء کردیا

وزیر اعظم عمران خان کی زیر صدارت وفاقی کابینہ اجلاس میں افغانستان کے متعلق پاکتان کی ویزہ پالیسی پر غور کیا جائے گا۔ اجلاس کے دران پاکستان اور عراق ائیر سروسز معاہدے میں کود شیئرنگ شامل کرنے کی منظوری دی جائے گی۔

حکومت پرانے کرنسی نوٹس کی جگہ نئے کرنسی نوٹ شائع کرنے کیلئے پر عزم ہے۔ آج وزیر اعظم کی زیر صدارت ہونے والے وفاقی کابینہ اجلاس میں پرانے کرنسی نوٹوں کی تبدیلی کی تاریخ میں توسیع کی منظوری دی جائے گی۔

وفاقی کابینہ اجلاس کے دوران آئل اینڈ گیس ریگولیٹری اتھارٹی (اوگرا) کی سالانہ رپورٹ 20-2019 پیش کی جائے گی۔ وفاقی کابینہ کی اقتصادی رابطہ کمیٹی کے گزشتہ اجلاس کے دوران کیے گئے فیصلوں کی توثیق بھی متوقع ہے۔