گوگل نیوز پر ہمیں فالو کریںاسلام آباد: وفاقی وزیرِ خزانہ اسحاق ڈار نے ملک کے برآمدی شعبے کو ترجیح اور سہولیات دینے کا اعلان کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ خزانہ اسحاق ڈار نے کہا کہ ہماری حکومت کیلئے برآمدی صنعت سب سے اوّلین ترجیح ہے۔
ڈیفالٹ کا خطرہ نہیں، معیشت میں بہتری آئے گی۔اسحاق ڈار
ٹوئٹر پیغام میں وزیرِ خزانہ اسحاق ڈار نے کہا کہ پانچ (سابقہ) زیرو ریٹڈ برآمد کنندہ شعبہ جات اور دیگر برآمد کنندگان کو مکمل سہولیات فراہم کی جائیں گی۔
Export Industry is one of Highest Priority of our Govt. Five (previously) Zero Rated Export Oriented Sectors & all other Exporters will be given complete facilitation for import of Raw Material, Parts and Accessories to meet their Export requirements . #Pakistan_Exports_First
— Ishaq Dar (@MIshaqDar50) January 16, 2023
وفاقی وزیرِ خزانہ اسحاق ڈار نے کہا کہ برآمدی شعبے کو خام مال، پارٹس اور اسیسریز درآمد کرنے کیلئے تمام سہولیات دی جائیں گی تاکہ وہ برآمدی ضروریات پوری کرسکیں۔
خیال رہے کہ اس سے قبل وفاقی وزیرِ خزانہ اسحاق ڈار نے کہا کہ پاکستان کے ڈیفالٹ کر جانے کا خطرہ نہیں بلکہ ملکی معیشت میں بہتری آئے گی۔
آج سے 2 روز قبل لاہور میں گورنر پنجاب بلیغ الرحمان سے ملاقات کے دوران وزیرِ خزانہ اسحاق ڈار نے ملک کی مجموعی معاشی و سیاسی صورتحال پر گفتگو اور تبادلۂ خیال کیا۔
ملاقات کے دوران گفتگو کرتے ہوئے گورنر پنجاب بلیغ الرحمان نے کامیاب غیر ملکی دوروں کی کامیابی پر اسحاق ڈار کو مبارکباد دی اور معیشت میں بہتری کیلئے اتحادی حکومت کی کاوشوں کی تعریف کی۔
