سیّد علی گیلانی کی شہادت کو 1سال مکمل، مقبوضہ جموں و کشمیر میں شٹر ڈاؤن ہڑتال

نئی دہلی: مقبوضہ جموں و کشمیر کی جدوجہدِ آزادی کی تحریک کے روحِ رواں اور معروف حریت رہنما سیّد علی گیلانی کی شہادت کو آج ایک برس مکمل ہوگیا جنہیں خراجِ تحسین پیش کرنے کیلئے مقبوضہ وادی میں آج شٹر ڈاؤن ہڑتال کی جارہی ہے۔

تفصیلات کے مطابق شٹر ڈاؤن ہڑتال کی کال آل پارٹیز حریت کانفرنس (اے پی ایچ سی)ن کی جانب سے دی گئی۔ کشمیر میڈیا سروس کا کہنا ہے کہ آج سری نگر کے علاقے حیدر پورہ کی جانب زبردست مارچ کیا جائے گا۔

یہ بھی پڑھیں:

پاکستان اور جرمنی کئی شعبوں میں مشترکہ طور پر کام کرسکتے ہیں۔سیّد نوید قمر

مظلوم کشمیری اپنے عظیم حریت رہنما سیّد علی گیلانی کو ان کے یومِ شہادت پر خراجِ تحسین پیش کریں گے۔ گزشتہ برس آج ہی کے دن سیّد علی گیلانی سری نگر میں اپنی رہائش گاہ حیدر پورہ میں بھارتی پولیس کی حراست میں شہید ہوگئے تھے۔

شہادت سے قبل سیّد علی گیلانی کو بھارتی پولیس نے 10 سال سے زائد عرصے تک مسلسل نظر بند رکھا جس پر آل پارٹیز حریت کانفرنس سمیت مقبوضہ کشمیر کے تمام حریت رہنماؤں نے بھرپور احتجاج کیا۔

شٹر ڈاؤن ہڑتال اور مارچ کی کل جماعتی حریت کانفرنس کی جانب سے کال کی حمایت دیگر تنظیموں نے بھی کی ہے۔اے پی ایچ سی کا کہنا ہے کہ سیّد علی گیلانی کے جدوجہدِ آزادی کے مشن کو ہر قیمت پر منطقی انجام تک پہنچا کر رہیں گے۔