سابق صدر آصف علی زرداری کو کورونا ویکسین لگا دی گئی

کراچی: سابق صدر اور پاکستان پیپلزپارٹی کے کوچیئرمین آصف علی زرداری کو کورونا ویکسین لگا دی گئی۔

سماجی رابطے کی ویب سائٹ ٹوئٹر پر اپنے والد آصف علی زرداری کے حوالے سے پیغام شیئر کرتے ہوئے آصفہ بھٹو نے لکھا ہے کہ سابق صدر آصف علی زرداری کو کورونا ویکسین لگا دی گئی ہے۔

Such a relief to see my father @AAliZardari receive his first dose of the vaccine today! Encourage your parents and loved ones to get the vaccine ????. It is safe and effective SPREAD THE WORD pic.twitter.com/bGTPndoOGq

— Aseefa B Zardari (@AseefaBZ) March 29, 2021

آصف علی زرداری کی صاحبزادی کا اپنے ٹوئٹر پیغام میں کہنا ہے کہ اپنے والدین اور پیاروں  کی حوصلہ افزائی کریں کہ وہ کورونا ویکسین لگائیں۔ کیونکہ کورونا سے بچنے کے لئے ویکسین بہترین ہے۔

آصفہ بھٹو کا مزید کہنا ہے کہ سابق صدر آصف علی زرداری کو کورونا ویکسین لگاتے ہوئے ڈاکٹر عاصم بھی موجود تھے۔

واضح رہے کہ ملک ان دنوں کورونا وائرس کی تیسری لہر کی زد میں ہے اور مریضوں کی تعداد میں روز بروز تیزی سے اضافہ ہورہا ہے۔ وزیر اعظم عمران خان کے بعد اب صدر مملکت ڈاکٹر عارف علوی اور وزیر دفاع پرویز خٹک بھی کورونا میں مبتلا ہوچکے ہیں۔

اپنی بیماری کے حوالے سے سوشل میڈیا کی ویب سائٹ پر ٹوئٹر پر شیئر کے گئے اپنے پیغام میں صدر مملکت نے ہوئے بتایا تھا کہ میرا کورونا ٹیسٹ مثبت آ گیا ہے، اللہ تعالیٰ کورونا متاثرین کو شفا عطا فرمائے۔