گوگل نیوز پر ہمیں فالو کریںترکی اور پاکستان کی حکومتوں کے مشترکہ تعاون سے پاکستان کے مختلف صوبوں سے دسویں جماعت کے نمایاں کارکردگی دکھانے والے طلبہ کے لیے ترکی کا ایک تعلیمی و ثقافتی دورہ شروع ہو گیا ہے۔ اس دورے کا آغاز استنبول میں خوبصورت باسفورس کروز سے کیا گیا جہاں طلبہ نے سمندر کے کنارے ترکی کی دلکش مناظر سے لطف اٹھایا۔
یہ ہفتے بھر پر مشتمل دورہ صرف سیر و تفریح تک محدود نہیں بلکہ اس میں ترکی کی تاریخی جگہوں، عجائب گھروں، جامعات اور جدید اداروں کا وزٹ بھی شامل ہے تاکہ طلبہ کو تعلیم تاریخ اور ٹیکنالوجی سے بھرپور تجربہ حاصل ہو۔
The Türkiye tour for top-achieving Grade 10 students from various provinces of Pakistan began with a scenic Bosporus cruise in Istanbul. This week-long educational and cultural journey includes visits to historical sites, museums, universities, and companies. The students will… pic.twitter.com/kit3jiwOgv
— Türkiye in Pakistan (@TC_IslamabadBE) October 18, 2025
دورے کے دوران طلبہ ترکی کے دارالحکومت انقرہ بھی جائیں گے، جہاں ان کا پرتپاک استقبال ترکی کے وزیر تعلیم کریں گے۔ اس دورے کا مقصد دونوں ممالک کے درمیان تعلیمی و ثقافتی تعلقات کو فروغ دینا اور ہونہار طلبہ کو بین الاقوامی سطح پر سیکھنے کے مواقع فراہم کرنا ہے۔
یہ اقدام نہ صرف طلبہ کی ذہنی و فکری نشوونما میں مددگار ثابت ہوگا بلکہ پاکستان اور ترکی کے دوستانہ رشتے کو بھی مزید مضبوط کرے گا۔
