پاکستان چھوڑنا غمگین لمحہ ہے، جرمن سفیر اُداس ہوگئیں

اسلام آباد: جرمن نمائندہ برائے امورِ نوجوانان ماریون فینگز نے پاکستان سے روانگی سے قبل اداس ہوگئیں۔

مائیکرو بلاگنگ ویب سائٹ ٹوئٹر پر جرمن سفیر ماریون فینگز نے سجے ہوئے ٹرک کے ساتھ اپنی تصویر شیئر کرتے ہوئے ایک پیغام جاری کیا ہے۔

Leaving #Pakistan on its Independence Day after 4 years was a sad occasion – I have enjoyed its land, people and hospitality so much more than I ever expected! Thank you for sharing this journey with me.???????? will always have a place in my heart! Now, who will send me ???? next year? pic.twitter.com/IrywjU5i84

— Marion Pfennigs (@GERinPAK4youth) August 15, 2022

جرمن سفیر ماریون فینگز کا اپنے پیغام میں کہنا تھا کہ میرے ساتھ اس سفر میں شریک ہونے کیلئے آپ سب کا شکریہ۔ پاکستان ہمیشہ میرے دل میں رہے گا۔ 4 سال بعد پاکستان کو یوم آزادی کے موقع پر چھوڑنا اُن کے لیے ایک غمگین لمحہ ہے،میں نے یہاں قیام کے دوران لوگوں کی مہمان نوازی اپنی توقع سے کئی زیادہ پائی۔

اپنے ٹوئٹ میں جرمن سفیر نے آم کا ایموجی بناتے ہوئے پوچھا کہ اب اگلے سال مجھے آم کون بھیجے گا؟

مزید پڑھیں:امریکی سفیر کی سربراہ پاک فضائیہ سے ملاقات

جرمن سفیر کا چند روز قبل اپنے ٹوئٹ میں کہنا تھا کہ پاکستان میں میرے قیام کی ایک اور خاص یاد: یہاں کی شادیاں! بازاروں میں خریداری، لباس کی تلاش، رقص کی مشقیں اور ڈھیر ساری تصاویر کھنچوانا، یہ سب ایک بہت دلچسپ تجربہ رہا۔ اب مجھے جرمنی واپس جا کر ان پاکستانی جوڑوں کو پہننے کا مناسب موقع تلاش کرنا ہے۔