امریکی صدر ڈونلڈ ٹرمپ دنیا کے امن کیلئے سب سے بڑا خطرہ قرار

برلن:جرمنی کے ایک سروے کے مطابق امریکی صدر ڈونلڈ ٹرمپ عالمی امن کے لیے سب سے بڑا خطرہ ہیں۔

میڈیارپورٹس کے مطابق جرمنی میں ہونے والے ایک سروے یوگوو کے نتائج میں کہاکہ گیاکہ امریکی صدر ڈونلڈ ٹرمپ کو روسی صدر ولادی میر پیوٹن اور شمالی کوریا کے لیڈر کم یونگ ان سے زیادہ خطرناک سمجھا جاتا ہے۔

جرمنی میں کواسے جانے والے اس سروے میں دو ہزار سے زیادہ جرمن افراد کا انٹرویو کیا گیا۔ اس سروے میں حصہ لینے والے افراد کا ماننا تھا کہ صدر ٹرمپ ایرانی سپریم لیڈرآیت اللہ خامنائی اور چینی صدر شی جن پنگ سے بھی زیادہ خطرناک ہیں۔

مزید پڑھیں:بھارتی پولیس کامسلمانوں کے خلاف کریک ڈاؤن ،پاکستان جانے کی دھمکیاں

اکتالیس فیصد کا کہنا تھا کہ ان پانچ عالمی رہنمائوں میں سے صدر ٹرمپ دنیا کے امن کے لیے سب سے بڑا خطرہ ہیں۔ سترہ فیصد لوگوں نے کم یونگ ان، پوٹن اور خامنائی کو کم خطرناک تصور کرتے ہوئے ریٹنگ پر انہیں آٹھ فیصد پر جبکہ شی جن پنگ کو سب سے کم خطرناک کہتے ہوئے سات فیصد پر رکھا۔

اس سروے کے گذشتہ سال کے نتائج میں تھوڑی بہت تبدیلی دیکھنے میں آئی ہے۔ اس وقت رائے دہندگان نے صدر ٹرمپ کو اڑتالیس فیصد خطرناک قرار دیا تھا۔۔ اس وقت بھی انھوں نے کم یونگ ، پوٹن اور ٹرمپ میں سے ڈونلڈ ٹرمپ کو ہی سب سے زیادہ خطرناک قرار دیا تھا۔

رواں سال یہ سروے سولہ سے اٹھارہ دسمبر کے درمیان کراویا گیا اور اس میں 2024جرمن افراد نے حصہ لیا۔ کینٹر انسٹیٹیوٹ کے تحت ایک دیگر رائے شماری میں فنک میڈیا گروپ کو پتہ چلا کہ جرمنوں کو اپنی چانسلرمیرکل سے زیادہ فرانسیسی صدر ماکرون پر بھروسہ ہے۔ اس سروے میں حصہ لینے والے افراد نے فرانس کے صدر امانوئل ماکروں کو ستاون فیصد جبکہ میرکل کو ترپن فیصد ووٹ دیے۔