گوگل نیوز پر ہمیں فالو کریںواشنگٹن: امریکی صدر ڈونلڈ ٹرمپ نے کہا ہے کہ امریکا میں کورونا وائرس سے جتنا نقصان ہورہا ہے، مجھے چین پر اتنا ہی غصہ آرہا ہے۔
سماجی رابطے کی ویب سائٹ ٹوئٹر پر اپنے پیغام میں امریکی صدر ڈونلڈ ٹرمپ نے کہا کہ جیسے جیسے کورونا وائرس کی وباء دنیا بھر میں پنجے گاڑتی جارہی ہے، امریکا میں بھی وائرس سے شدید نقصان ہورہا ہے۔
امریکی صدر ڈونلڈ ٹرمپ نے کہا کہ جیسے جیسے امریکا میں کورونا وائرس سے نقصان ہورہا ہے مجھے چین پر آنے والا غصہ شدید سے شدید تر ہوتا جارہا ہے۔ لوگ اسے دیکھ اور محسوس کرسکتے ہیں۔
As I watch the Pandemic spread its ugly face all across the world, including the tremendous damage it has done to the USA, I become more and more angry at China. People can see it, and I can feel it!
— Donald J. Trump (@realDonaldTrump) June 30, 2020
یاد رہے کہ اِس سے قبل کورونا وائرس سے دنیا میں سب سے زیادہ متاثر ملک کے صدر ڈونلڈ ٹرمپ نے کہا کہ وائرس سے امریکا میں ہونے والی اموات بہت کم ہیں۔
ٹوئٹر پر 5 روز قبل اپنے پیغام میں امریکی صدر ڈونلڈ ٹرمپ نے کہا کہ کورونا وائرس کے باعث امریکا میں جو اموات ہوئیں، وہ کم ہیں جبکہ امریکا دنیا کے کم ترین شرحِ اموات رکھنے والے ممالک میں شامل ہے۔
مزید پڑھیں: وائرس سے امریکا میں اموات بہت کم ہیں۔ڈونلڈ ٹرمپ
