گوگل نیوز پر ہمیں فالو کریںپاکستان کی مقامی صرافہ مارکیٹس میں سونے اور چاندی کی قیمتوں میں کمی کا رجحان دیکھا جا رہا ہے۔ آج 9 مارچ 2026 کو ایک تولہ سونے کی قیمت میں 6 ہزار 500 روپے کی کمی ریکارڈ کی گئی ہے۔
آل پاکستان جیمز اینڈ جیولرز ایسوسی ایشن کے جاری کردہ تازہ ریٹس کے مطابق 24 قیراط کا حامل فی تولہ سونا 6 ہزار 500 روپے کی کمی کے بعد 5 لاکھ 33 ہزار 362 روپے کا ہو گیا ہے۔
اسی طرح 24 قیراط کا 10 گرام سونا 5 ہزار 573 روپے کم ہو کر 4 لاکھ 57 ہزار 271 روپے پر آ گیا ہے جبکہ 22 قیراط سونا 10 گرام کی قیمت میں 5 ہزار 109 روپے کی کمی ہوئی ہے اور یہ 4 لاکھ 19 ہزار 180 روپے پر دستیاب ہے۔
مقامی صرافہ بازار میں چاندی کی قیمتوں میں بھی کمی دیکھی گئی ہے جہاں ایک تولہ چاندی 37 روپے کم ہو کر 8 ہزار 894 روپے اور 10 گرام چاندی 31 روپے کی کمی کے بعد 7 ہزار 625 روپے پر پہنچ گئی ہے۔
عالمی صرافہ بازار
بین الاقوامی سطح پر سونے کی قیمت 65 ڈالر کی کمی کے ساتھ 5 ہزار 106 ڈالر فی اونس رہی جبکہ چاندی کی قیمت میں بھی 0.37 ڈالر کی کمی ہوئی ہے اور یہ 84.10 ڈالر فی اونس پر ہے۔
