گوگل نیوز پر ہمیں فالو کریںپاکستان میں سونے کی قیمت میں بدھ کے روز معمولی اضافہ ریکارڈ کیا گیا جس کی بنیادی وجہ عالمی منڈی میں قیمتی دھات کی قیمتوں میں اضافہ ہے۔
آل پاکستان جمز اینڈ جیولرز ایسوسی ایشن کے مطابق مقامی مارکیٹ میں فی تولہ سونے کی قیمت 300 روپے کے اضافے کے بعد 3 لاکھ 55 ہزار روپے تک پہنچ گئی ہے۔
اسی طرح 10 گرام سونے کی قیمت میں 257 روپے کا اضافہ ہوا، جس کے بعد یہ 3 لاکھ 4 ہزار 355 روپے پر مستحکم ہو گئی۔
یہ واضح رہے کہ منگل کے روز سونے کی قیمت میں 1600 روپے کی نمایاں کمی ہوئی تھی جس کے بعد فی تولہ قیمت 3 لاکھ 54 ہزار 700 روپے رہی تھی۔
عالمی سطح پر بھی سونے کی قیمت میں اضافہ دیکھا گیا، جہاں فی اونس سونا 3 ڈالر کے اضافے کے ساتھ 3,323 ڈالر پر پہنچ گیا۔ اس قیمت میں 20 ڈالر کا پریمیم بھی شامل ہے۔
دوسری جانب چاندی کی قیمت میں کوئی تبدیلی نہیں آئی اور یہ بدستور فی تولہ 3963 روپے پر برقرار رہی۔
