گوگل نیوز پر ہمیں فالو کریںسونے کی قیمت میں ایک بار پھر اضافہ ریکارڈ کیا گیا ہے۔ فی تولہ قیمت میں 900 روپے کے اضافے کے بعد ملک میں 24 قیراط سونے کی فی تولہ قیمت 4 لاکھ 81 ہزار 862 روپے کی نئی بلند ترین سطح پر پہنچ گئی ہے۔
آل پاکستان صرافہ، جیمز اینڈ جیولرز ایسوسی ایشن کے مطابق 24 قیراط کے حامل 10 گرام سونے کی قیمت میں 771 روپے کا اضافہ ہوا، جس کے بعد 10 گرام سونا 4 لاکھ 13 ہزار 118 روپے میں فروخت ہو رہا ہے۔
اسی طرح 22 قیراط سونے کے 10 گرام کی قیمت میں 707 روپے اضافہ ریکارڈ کیا گیا، جس کے بعد اس کی نئی قیمت 6 لاکھ 78 ہزار 705 روپے ہو گئی ہے۔
ایسوسی ایشن کا کہنا ہے کہ سونے کی قیمتوں میں حالیہ اضافہ بین الاقوامی مارکیٹ میں اتار چڑھاؤ اور عالمی سطح پر سونے کی طلب میں اضافے کا نتیجہ ہے۔
بین الاقوامی مارکیٹ میں بھی سونے کی قیمت میں 9 ڈالر فی اونس کا اضافہ ہوا ہے، جس کے بعد عالمی سطح پر سونے کی نئی قیمت 4 ہزار 595 ڈالر فی اونس ہو گئی ہے۔ عالمی مارکیٹ میں اضافے کے اثرات مقامی مارکیٹ میں بھی واضح طور پر دیکھے جا رہے ہیں۔
دوسری جانب چاندی کی قیمتوں میں بھی اضافہ ریکارڈ کیا گیا ہے۔ مقامی مارکیٹ میں 24 قیراط چاندی کی فی تولہ قیمت 180 روپے اضافے کے بعد 9 ہزار 75 روپے ہو گئی ہے، جبکہ 24 قیراط 10 گرام چاندی کی قیمت میں 154 روپے اضافہ ہوا ہے جس کے بعد نئی قیمت 7 ہزار 780 روپے ہوگئی۔
