گوگل نیوز پر ہمیں فالو کریںپاکستانی موسیقی کے دو معروف گلوکار علی ظفر اور علی حیدر مداحوں کے لیے خوشخبری لے آئے ہیں۔ دونوں فنکاروں نے مل کر علی حیدر کے مقبول گانے ظالم نظروں سے تم نہ مجھ کو دیکھو کا نیا ورژن جاری کیا ہے جس میں اس بار اردو کے ساتھ پشتو بول بھی شامل کیے گئے ہیں۔
علی ظفر نے اس گانے کی ریلیز کا اعلان سوشل میڈیا پلیٹ فارم ایکس پر کیا اور بتایا کہ یہ ان کے آنے والے میوزک البم کا پہلا گانا ہے۔ انہوں نے مداحوں کو ویڈیو دیکھنے، شیئر کرنے اور اس پر ڈانس کی دعوت بھی دی۔
So it begins ! Dropping the first track “Zalim Nazron Se” from my upcoming album, featuring Ali Haider. Click on link to watch full video https://t.co/2nzepbe04C
Enjoy it, share it, dance on it, and let the world see how you do it! pic.twitter.com/xxJngBq8P1
— Ali Zafar (@AliZafarsays) November 21, 2025
اس نئے ورژن میں علی ظفر نے اپنی مخصوص میلوڈک آواز سے گانے کو نیا رنگ دیا ہے، جبکہ اصل گانے کے خالق علی حیدر نے بھی اس میں آواز کا جادو شامل کیا ہے۔ دونوں فنکاروں کی یہ جوڑی پرانے پاپ دور کی یاد تازہ کرنے کے ساتھ نئے سامعین کے لیے بھی ایک منفرد تجربہ پیش کر رہی ہے۔
اردو کے ساتھ پشتو بول شامل کیے جانے سے اس گانے میں ثقافتی رنگ بھی بھر گیا ہے جو مختلف زبانوں اور خطوں کے سامعین کو ایک ساتھ جوڑنے کی کوشش ہے۔
یہ کولیبریشن پاکستانی پاپ موسیقی کے سنہرے دور کو خراجِ تحسین بھی ہے اور ساتھ ہی نئی نسل کو موسیقی کی اصل پہچان سے دوبارہ متعارف کرانے کی ایک خوبصورت کوشش بھی۔
