ابوجا: نائیجیریا میں مسلح افراد کی جانب سے جیل پر بھرپور حملہ کیا گیا، جس کے نتیجے میں 1800 قیدی فرار ہوگئے۔
بین الاقوامی میڈیا کے مطابق نائیجیریا کے صوبے ایمو میں مسلح افراد نے جیل پر حملہ کیا جس کے نتیجے میں 1800 قیدی فرار ہوگئے۔، حملہ آور مشین گن، راکٹ لانچر اور گرنیڈ سمیت دیگر بھاری ہتھیاروں سے لیس تھے۔
مسلح افراد کے حملے کے نتیجے میں پولیس اور ملٹری کی دیگر عمارتوں کو بھی شدید نقصان پہنچا ہے۔جیل حکام کے مطابق فرار قیدیوں کی گرفتاری کے لیے کارروائیاں جاری ہیں۔
تاحال ابھی تک کسی بھی گروپ کی جانب سے اس حملے کی ذمہ داری قبول نہیں کی گئی ہے، نائیجیرین حکام کے مطابق حملہ مقامی گروپ نے کیا جو اس طرح کی کارروائیوں میں پہلے بھی ملوث رہا ہے تاہم مزید تحقیقات جاری ہیں اور ملوث عناصر کو نہیں بخشا جائے گا۔
گوگل نیوز پر ہمیں فالو کریں
