گوگل نیوز پر ہمیں فالو کریںگزشتہ ماہ ایران اور اسرائیل کے درمیان جاری جنگ کے دوران تہران کے تاجرش محلے میں اسرائیلی فضائیہ کے میزائل حملے کی ایک دل دہلا دینے والی سی سی ٹی وی ویڈیو منظرِ عام پر آئی ہے۔
اسرائیل کی جانب سے 15 جون کو قدس اسکوائر پر ہونے والے اس حملے میں ایک ایرانی جوڑا جاں بحق ہو گیا تھا جبکہ متعدد دیگر افراد بھی زخمی ہوئے۔
ویڈیو میں حملے کے بعد کی تباہی اور افراتفری کو واضح طور پر دیکھا جا سکتا ہے، جس سے اس علاقے میں ہونے والی شدید تباہی کا اندازہ ہوتا ہے۔ تاہم، ایرانی میڈیا کی جانب سے نشر کی گئی اس ویڈیو کی آزاد ذرائع سے تصدیق نہیں ہو سکی ہے۔
#BREAKING
Video of Israeli airstrikes directly targeting a densely populated neighborhood in northern Tehran, hurling cars with passengers inside into the air. pic.twitter.com/K0U52oIZG3— Tehran Times (@TehranTimes79) July 3, 2025
یاد رہے کہ اسرائیل نے 13 جون کو ایران پر حملوں کا آغاز کیا تھا، جس میں ایرانی فوج اور پاسداران انقلاب کے اعلیٰ افسران اور سینئر جوہری سائنسدانوں کو نشانہ بنایا گیا۔
بعد ازاں امریکہ نے بھی ایران کی جوہری تنصیبات پر فضائی حملے کیے تھے، ایران نے ان حملوں کا بھرپور جواب دیتے ہوئے اسرائیل پر شدید میزائل حملے کیے، جن میں اہم تنصیبات کو نشانہ بنایا گیا۔
