گوگل نیوز پر ہمیں فالو کریںعالمی اسٹریمنگ پلیٹ فارم نیٹ فلکس پر فلمز اور سیریز کی صورت میں ناظرین و سامعین کیلئے دستیاب بے شمار مواد کو وقت گزاری کا بہترین ذریعہ قرار دیا جاسکتا ہے۔
شوز سے لے کر موویز تک نیٹ فلکس پر ہر قسم کی تفریحی ویڈیوز ہیں اور مئی میں بھی اس قسم کا نیا مواد پیش کیا جائے گا جس کی تفصیل مندرجہ ذیل ہے:
آ مین کالڈ آٹو
ٹام ہینکس کی فلم آمین کال آٹو نے موسم سرما میں باکس آفس پر 100 ملین سے زائد کا بزنس کیا۔ فلم 2012 کے ایک ناول پر مبنی ہے جس میں ہینکس کو ایک بدمزاج اور افسردہ بیوہ کے طور پر پیش کیا گیا ہے جس کا دل اپنے نئے پڑوسیوں سے دوستی کرنے پر نرم ہو جاتا ہے۔
اینا نکول اسمتھ
نیٹ فلکس پر اینا نکول اسمتھ کی زندگی پر مبنی دستاوزیزی فلم 16 مئی کو ریلیز کی جائے گی۔
ماں
فلم کی کہانی ایک ایف بی آئی ایجنٹ کے گھر سے شروع ہوتی ہے جہاں پر ایک خاتون یعنی کہ جینیفر لوپیز اپنی بچی کی حفاظت کے بدلے میں افسران کے ساتھ معاہدہ کرنے کی کوشش کرتی ہے۔
لیکن یہ منصوبہ اس وقت ناکام ہوجاتا ہے جب ایف بی آئی کے گھر پر حملہ ہوجاتا ہے، اس دوران وہ اپنی بیٹی کی حفاظت کیلئے اس کے باپ کے ساتھ ایک سودا کرلیتی ہے اور تقریباََ 12 سال تک وہ اپنی بیٹی سے نہیں ملتی۔ جینیفر لوپیز کو 12 سال کے بعد اپنی بیٹی سے ملنے کا خیال آتا ہے۔
دی کیوریئس کیس آف بینجمن بٹن
فلم ’دی کیوریئس کیس آف بینجمن بٹن‘ کا شمار بریڈ پٹ کی مشہور فلموں میں ہوتا ہے،فلم نے آسکر پر 13 سے زائد نامزدگیاں حاصل کیں اور دنیا بھر کے باکس آفس پر 335 ملین ڈالر کمائے۔ فلم یکم مئی کو نیٹ فلکس پر نشر ہونا شروع ہوئی۔
