گوگل نیوز پر ہمیں فالو کریںمحکمہ موسمیات نے جلد کراچی کا موسم یکسر تبدیل ہونے کی نوید سناتے ہوئے بتایا ہے کہ منگل 25 نومبر سے موسم بدلنے کا امکان ہے اور اس دوران دن ٹھنڈے اور راتیں مزید سرد ہو جائیں گی۔
محکمہ موسمیات کے مطابق کراچی کا موسم اس وقت ٹھنڈا اور خشک ہے، دن کے وقت ہلکی گرم جبکہ رات کے وقت خنکی برقرار ہے اور یہ صورتحال آئندہ چند دنوں تک جاری رہنے کا امکان ہے۔
محکمہ موسمیات نے واضح کیا ہے کہ شہر میں موسمِ سرما کی حقیقی شدت کا آغاز دسمبر کے وسط تک محسوس نہیں ہوگا۔
اتوار کے روز ریکارڈ کیے گئے موسمی اعداد و شمار کے مطابق شہر کا کم سے کم درجہ حرارت 16 ڈگری سینٹی گریڈ جبکہ زیادہ سے زیادہ درجہ حرارت 32 ڈگری سینٹی گریڈ رہا۔
نمی کی سطح 75 فیصد ریکارڈ کی گئی اور شمال مشرقی سمت سے خشک ہلکی ہوائیں چلتی رہیں۔
محکمہ موسمیات کا کہنا ہے کہ دسمبر کے وسط سے شہر کا درجہ حرارت واضح طور پر کم ہونا شروع ہوگا جس کے بعد دن ٹھنڈے اور راتیں مزید سرد ہو جائیں گی، اور کراچی میں موسمِ سرما کی حقیقی لہر محسوس کی جا سکے گی۔
