گوگل نیوز پر ہمیں فالو کریںوزیرِ مملکت برائے خارجہ حنا ربانی کھر افغانستان کے دارالحکومت کابل پہنچ گئی ہیں جہاں ان کی افغان وزیرِ خارجہ سے ملاقات اور دو طرفہ تجارتی و معاشی تعلقات پر گفتگو ہوئی۔
تفصیلات کے مطابق وزیرِ مملکت برائے امورِ خارجہ حنا ربانی کھر آج وفد کے ہمراہ 1 روزہ دورے کیلئے کابل پہنچ گئیں۔دورۂ کابل کا مقصد پاک افغان تعلقات کو فروغ دینا ہے۔
عوام کیلئے اچھی خبر، بجلی 32 روپے فی یونٹ سستی
کابل ائیرپورٹ پر وزیرِ مملکت برائے خارجہ حنا ربانی کھر کا استقبال افغان عبوری حکومت کے نائب وزیرِ اقتصادی امور عبداللطیف اور پاکستانی سفارت خانے کے افسران نے کیا۔
دفترِ خارجہ کا کہنا ہے کہ وزیرِ مملکت حنا ربانی کھر 1 روزہ دورۂ کابل کے دوران افغانستان جانے والے پاکستانی وفد کی قیادت کر رہی ہیں جو پاک افغان تعلقات سمیت اہم امور پر افغانستان سے مذاکرات کریں گی۔
وزیرِ مملکت برائے خارجہ حنا ربانی کھر افغان حکام سے ملاقاتوں کے دوران تعلیم، تجارت، سرمایہ کاری، مواصلات اور عوامی رابطوں کے ساتھ ساتھ خطے کی سلامتی کی صورتحال پر تبادلۂ خیال کریں گی۔
Min of State for Foreign Affairs @HinaRKhar will lead a delegation to Kabul for a 1 day visit on 29th Nov 2022
MoS will hold political dialogue with the Afghan side with focus on coop in education, trade & investment, reg connectivity, people-to-people contacts and reg security pic.twitter.com/qcAuKeQfSa
— Ministry of Foreign Affairs – Pakistan (@ForeignOfficePk) November 28, 2022
آج افغان دارالحکومت کابل میں وزیرِ مملکت برائے خارجہ حنا ربانی کھر نے افغان وزیرِ خارجہ امیر متقی سے ملاقات کی ہے جس کے دوران پاک افغانستان تعلقات سمیت باہمی دلچسپی کے امور زیرِ غور آئے۔
ترجمان دفترِ خارجہ کا کہنا ہے کہ وزیرِ مملکت برائے خارجہ حنا ربانی کھر نے افغان وزیر خارجہ سے ملاقات کے دوران پاک افغان تعلقات اور مختلف شعبہ جات میں دو طرفہ تعاون پر بات چیت کی ہے۔
