گوگل نیوز پر ہمیں فالو کریںسندھ کے شہر خیرپور میں منکی پاکس کے تشویشناک پھیلاؤ کی اطلاعات سامنے آئیں ہیں جو ملک میں اس بیماری کے پہلے مقامی طور پر منتقل ہونے والے کیسز کا سلسلہ ہے۔ اس پھیلاؤ کے نتیجے میں چار نوزائیدہ بچوں کی موت ہو گئی ہے جبکہ سات بچوں میں اس انفیکشن کی تصدیق ہوئی ہے۔
صوبائی محکمہ صحت کے حکام اس پھیلاؤ کے ذرائع کی تحقیقات کر رہے ہیں اور انفیکشن کنٹرول کے اقدامات پر الرٹ جاری کر دیا ہے کیونکہ یہ کیسز اسپتال کے ماحول میں رپورٹ ہوئے ہیں۔
مقامی میڈیا رپورٹس کے مطابق متاثرہ نوزائیدہ بچے پبلک اور پرائیویٹ اسپتالوں کے آئی سی یوز (Intensive Care Units) میں زیر علاج تھے اور ممکنہ طور پر غیر جراثیم زدہ طبی آلات کے ذریعے اس بیماری کا شکار ہوئے۔
صحت کے محکمہ کو سب سے پہلے 14 مارچ کو خبردار کیا گیا جب نوزائیدہ بچوں میں غیر معمولی جلدی خارش کے واقعات رپورٹ ہوئے۔
ان کے خون کے نمونے کراچی بھیجے گئے اور متعدد لیبارٹریز میں جانچ کے بعد سات مپاکس کے کیسز کی تصدیق ہوئی تاہم ماہرین طب نے واضح کیا کہ منکی پاکس براہِ راست موت کی وجہ نہیں تھا کیونکہ متاثرہ تمام بچے قبل از وقت پیدا ہوئے، وزن میں کمزور اور غذائی قلت سے منسلک پیچیدگیوں کا شکار تھے۔
