گوگل نیوز پر ہمیں فالو کریںعیدالاضحی کے پہلے روز معروف پاکستانی گلوکارہ حمیرا ارشد نے اپنا نیا خوشیوں بھرا نغمہ “عید مِلو جی” ریلیز کر دیا، جس نے مداحوں کی عید کی خوشیوں کو مزید رنگین بنا دیا۔
یہ نغمہ عید کی خوشیوں، ملنے ملانے اور روایتی جشن کو موسیقی کے خوبصورت رنگوں میں سموئے ہوئے ہے۔ عیدالاضحی جیسے مذہبی تہوار پر ایسے گیت عوامی جذبات کی ترجمانی کرتے ہیں اور ہر عمر کے لوگوں کو خوشی و محبت کے بندھن میں جوڑ دیتے ہیں۔
سجاد حسین نے اس گیت کے بول تحریر کیے ہیں، جو سادگی مگر اثر انگیزی سے لبریز ہیں جبکہ ساجد علی نے اس نغمے کی دھن ترتیب دی ہے، جو عید کی روایتی موسیقی اور جدید طرز کا حسین امتزاج پیش کرتی ہے۔
اس گیت کی آڈیو مکسنگ اور ماسٹرنگ فاروق اسٹوڈیو میں کی گئی، جو پاکستان کی معروف میوزک پروڈکشن لیبارٹریز میں شمار ہوتا ہے۔ جدید تکنیکی معیار پر تیار کردہ یہ گیت اب مختلف ڈیجیٹل پلیٹ فارمز پر دستیاب ہے، جہاں سامعین اسے کسی بھی وقت سن سکتے ہیں۔
واضح رہے کہ حمیرا ارشد پاکستان کی موسیقی کی دنیا کا جانا پہچانا نام ہیں۔ ان کے رومانوی، کلاسیکی اور صوفیانہ طرز کے گیتوں نے ہمیشہ سامعین کو متاثر کیا ہے۔ “چوری چوری”، “دلبر دلدار” اور “گل سن ” جیسے نغمے ان کی پہچان بن چکے ہیں۔
وہ ماضی میں بھی مختلف تہواروں اور خاص مواقع کے لیے موسیقی تخلیق کرتی رہی ہیں اور ان کا یہ نیا گیت “عید مِلو جی” بھی اسی تسلسل کی ایک خوبصورت کڑی ہے۔
