گوگل نیوز پر ہمیں فالو کریںبھارتی سابق اسپنر روی چندرن ایشون نے پاکستان کرکٹ ٹیم کو ٹی ٹوئنٹی ورلڈ کپ 2026 میں کامیابی کا اہم نسخہ بتایا ہے۔
روی چندرن ایشون نے سوشل میڈیا پلیٹ فارم ایکس پر اپنے بیان میں کہا کہ اگر پاکستان واقعی اس ٹورنامنٹ میں سنجیدگی سے آگے بڑھنا چاہتا ہے تو ٹیم مینجمنٹ کو فخر زمان کو مڈل آرڈر میں شامل کرنے پر غور کرنا چاہیے۔
If Pakistan are serious about this World Cup campaign, they need to think about giving Fakhar Zaman a go in the middle order.
He can sweep and use his feet against Rashid and Dawson to inflict some serious damage through the middle overs.
This was Nepals success formulae… pic.twitter.com/QMAhQm2GZR
— Ashwin 🇮🇳 (@ashwinravi99) February 24, 2026
بھارتی بالر نے کہا کہ فخر زمان اسپنرز کے خلاف جارحانہ انداز میں کھیلنے کی بہترین صلاحیت رکھتے ہیں۔ خاص طور پر انگلینڈ کے اسپنرز عادل رشید اور لیام ڈاسن جیسے باؤلرز کے سامنے وہ سوئپ شاٹس کھیل سکتے ہیں اور کریز سے باہر نکل کر بڑے شاٹس لگا کر دباؤ ڈال سکتے ہیں۔
انہوں نے مزید کہا کہ درمیانی اوورز میں رنز کی رفتار بڑھانا پاکستان کے لیے کلیدی اہمیت کا حامل ہوگا اور فخر زمان اس ذمہ داری کو بہترین طریقے سے نبھا سکتے ہیں۔
یاد رہے کہ پاکستان اور انگلینڈ کے درمیان آئی سی سی ٹی 20 ورلڈ کپ 2026 کے سپر 8 راؤنڈ کا میچ کھیلا جائے گا۔
