گوگل نیوز پر ہمیں فالو کریںاسلام آباد: دُنیا بھر میں تیزی سے پھیلتے ہوئے کورونا وائرس کے پاکستان میں پنجے گاڑنے کے بعد علاج کیلئے سستے وینٹی لیٹرز کی تیاری میں اہم پیش رفت سامنے آئی ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر برائے سائنس و ٹیکنالوجی فواد چوہدری نے اعلان کیا کہ پاکستان انجینئرنگ کونسل کو وینٹی لیٹرز کے 48 ڈیزائن موصول ہوئے ہیں۔
پیغام میں وزیرِ سائنس وٹیکنالوجی فواد چوہدری نے کہا کہ 48 موصولہ ڈیزائنز میں سے 3 کو منظور کر لیا گیا ہے جنہیں انجینئرنگ کونسل نے ڈرگ ریگولیٹری اتھارٹی (ڈریپ) کو بھجوا دیا ہے۔
وزیرِ سائنس و ٹیکنالوجی فواد چوہدری نے کہا کہ ڈریپ سے منظوری کے بعد ملک کے چار ہسپتالوں میں ان وینٹی لیٹرز کا ٹیسٹ کیا جائے گا۔
وفاقی وزیر فواد چوہدری نے کہا کہ ٹیسٹ کے بعد ان وینٹی لیٹرز کی کمرشل بنیادوں پر پروڈکشن کیلئے منظوری دی جائے گی جبکہ یہ وینٹی لیٹرز عام وینٹی لیٹرز کے مقابلے میں کہیں سستے ہوں گے۔
Pak Engineering Council received 48 designs of ventilators three approved and now sent to DRAP for final approvals,trials of these ventilators ll be conducted in four hospitals once approved ll go for commercial manufacturing,indigenous Ventilators ll be far cheaper https://t.co/Hh1Fv67qgS
— Ch Fawad Hussain (@fawadchaudhry) April 1, 2020
