گوگل نیوز پر ہمیں فالو کریںواشنگٹن: امریکی محکمہ خارجہ کے ترجمان میتھیو ملر نے کہا ہے کہ اسسٹنٹ سیکریٹری ڈونلڈ لو کے خلاف سابق وزیراعظم پاکستان عمران خان کی جانب سے لگائے گئے الزامات جھوٹے ہیں۔
واشنگٹن میں میڈیا کو بریفنگ دیتے ہوئے میتھیو ملر نے پاکستان میں انتخابات کے منصفانہ ہونے کے بارے میں اگلے ہفتے امریکی کانگریس کی کمیٹی کی سماعت سے متعلق ایک سوال کا جواب دیتے ہوئے بتایا کہ اسسٹنٹ سیکرٹری ڈونلڈ لو کو کمیٹی کے سامنے گواہی دینے کو کہا گیا ہے۔
میتھیو ملر نے کہاکہ محکمہ خارجہ کے اہلکار کانگریس کے سامنے جوابد دہ ہیں۔ ہم اسے دونوں پالیسی سازی کے نقطہ نظر سے اور نگرانی کے نقطہ نظر سے اپنی ملازمتوں کے ایک اہم حصے کے طور پر دیکھتے ہیں تاکہ کانگریس کو اپنا کام کرنے میں مدد ملے، لہٰذا ہم ہمیشہ کانگریس کے ساتھ ہونے والی غیر رسمی بات چیت کا انتظار کرتے ہیں۔
ایک اور سوال کے جواب میں میتھیو ملر نے کہا کہ ہم امریکی حکام کی جانب سے کسی بھی دھمکی کو سنجیدگی سے لیتے ہیں اور اپنے سفارت کاروں کے تحفظ اور سلامتی کو خطرے میں ڈالنے کی کسی بھی کوشش کی مذمت کرتے ہیں۔
